Սոված թողնեն, հաստատ իրեն խարակիրի կանի. ԸՆԿԵՐ ՓԱՆՋՈՒՆԻ

**

ԴԱՍԱԿԱՆ

 Ըստ քաղտեխնոլոգների` ՀՅԴ-ի` սեպտեմբերի 2-ի հանրահավաքի հնչեցրած մեսիջը հնչում էր մոտավորապես այսպես` «Սամվել Կարապետյա՜ն, Սամվել Կարապետյա՜ն, մեզ Քոչարյանն էլ վատ չի կերակրում»։

**

 ՊՈՒՏԻՆԸ` ԻԼՀԱՄԻՆ

 (ՉԻՆԱՍՏԱՆՈՒՄ ՆՐԱ ՁԵՌՔԸ ՍԵՂՄԵԼՈՒ ԿԱՊԱԿՑՈՒԹՅԱՄԲ)

Տուր թաթդ, բարեկամ։

 **

 ТАНГО В ТРОЕМ

 Ըստ քրեագետների` Նիկոլի պահվածքը Էրդողանի եւ Իլհամի նկատմամբ տեղավորվում է «Ստոկհոլմյան սինդրոմ» քրեական եզրույթի մեջ, ըստ որի` զոհը սիրահարվում է դահճին, ուղղակի այս դեպքում զոհը մեկն է, դահիճները` երկուսը։

 **

ԲՈՇԻ ԴԻՎԱՆԱԳԻՏՈՒԹՅՈՒՆ

Ըստ դիվանագիտական համաշխարհային ասոցիացիայի` Նիկոլն ու Իլհամը Թրամփի կողմից Մեղրիի միջանցքի պրոյեկտին դաբրո տալուց հետո` այն տարել էին ՇՀԿ-ի վրա ծախելու, բայց Հնդկաստանն ու Պակիստանը նրանց մուրազը փորում թողեցին։

 **

 ՎԵՐՋՆԱՐԴՅՈՒՆՔ

 Ըստ քաղտեխնոլոգների` Արցախի անկախության օրվան նվիրված միտինգում բանախոսների հռետորական տարատեսակ վարիացիաների ետեւում անթաքույց երեւում էր մի բան, մեսիջ Նիկոլին` թե որքան էլ խնդրես, մեկ ա, հեղափոխություն չենք անելու։

**

ՊԱՐԶԱԲԱՆՈՒՄ

Ըստ Խոհարարների միջազգային ասոցիացիայի` Նիկոլը Չինաստանում հացի սեղանին թարս նստելուց հետո, Ճապոնիա ընենց սոված ա գնացել, որ եթե այնտեղ սոված թողնեն, հաստատ իրեն խարակիրի կանի:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝