Մենք մեր ծրագիրն ունենք, կաշխատի թե ոչ` ցույց կտա ժամանակը. Մելիքյանը` Պորտուգալիայի դեմ խաղի մասին
Սպորտ
ԱԱ-2026-ի որակավորման փուլի Հայաստան-Պորտուգալիա խաղից առաջ, Հայաստանի հավաքականի գլխավոր մարզիչ Եղիշե Մելիքյանը պատասխանել է լրագրողների հարցերին.
«Գործ ունենք լուրջ մրցակցի հետ: Այս հավաքականը Եվրոպայում լավագույններից է, բայց մենք մեր ծրագիրն ունենք, նրանք էլ թույլ կողմեր ունեն, չնայած դրանք քիչ են: Միշտ լավ եմ պատրաստվում խաղին, կաշխատեն ծրագրերս, թե ոչ՝ ցույց կտա ժամանակը: Չեմ կարող փակագծեր բացել, քանի որ դա արդեն անակնկալ չի լինի մրցակցի համար:
Ավելի լավ եմ սկսում ճանաչել ֆուտբոլիստներին ու հիմա կարող եմ ասել, որ այո՛, այս տղաների հետ կարելի է երկար ճանապարհ գնալ, մեծ վստահություն ունեմ նրանց հանդեպ: Իմ գլխավոր խնդիրը վաղվա հանդիպումն է, քանի որ գիտակցում եմ՝ որքան կարևոր խաղ է»,-ասել է նորանշանակ մարզիչը:
Հայաստան-Պորտուգալիա հանդիպումը տեղի կունենա սեպտեմբերի 6-ին, ժամը` 20:00-ին։