«Ժողովուրդ». Նախկինում Աժ-ն աչքի էր ընկել՝ մանկական «չխկչխկաններ» եւ օրորոցային խաղալիքներ, պարագաներ գնելով
Մամուլի տեսություն
«Ժողովուրդ» օրաթերթը գրում է. ««Ժողովուրդ» օրաթերթի ձեռքի տակ հայտնված փաստաթղթերը վկայում են, որ ՀՀ Ազգային ժողովը վերջին երեք տարիներին շարունակում է զարմացնել հանրությանը իր առանձնահատուկ գնումներով։ Թեեւ ԱԺ աշխատակազմի ղեկավար Դավիթ Առաքելյանի կազմակերպած գնումները պետք է ծառայեն խորհրդարանի գործունեությանը, սակայն փաստերն այլ բան են հուշում։
«Ժողովուրդ» օրաթերթի ձեռքի տակ են հայտնվել փաստաթղթեր այն մասին, որ «ՎԼՎ» խանութների ցանցից 2023-ի դեկտեմբերին ԱԺ-ն ձեռք է բերել 5 JBL ականջակալ՝ ընդհանուր 100.000 դրամ արժողությամբ։ Մնում է պարզել՝ արդյոք պատգամավորները որոշել էին ավելի լավ լսել միմյանց բոցաշունչ ելույթները, թե՞ հենց այդ ականջակալների օգնությամբ է հնարավոր «չլսել» քննադատող ընդդիմադիրներին։
Բացի այս ամենից, նույն ամսին ձեռք է բերվել էլեկտրական ջրատաքացուցիչ՝ 62.000 դրամով։ Մինչդեռ 2025-ի ապրիլին գնվել է մեկ այլ ջրատաքացուցիչ ընդամենը 15.200 դրամով։ Իսկ մարտ ամսին արդեն իրականացվել է «թոփ» գնում՝ RoyaL Thermo RWH200XL ջրատաքացուցիչ՝ 235.000 դրամով։ Այս ամենից հետո արդարացի հարց է առաջանում՝ ո՞ւմ եւ ի՞նչ են այսքան տաքացնում խորհրդարանում։
Հիշեցնենք՝ սա առաջին դեպքը չէ։ Նախկինում Ազգային ժողովը աչքի էր ընկել՝ մանկական խաղալիքների խանութից «չխկչխկաններ» եւ օրորոցային խաղալիքներ, պարագաներ գնելով։ Իսկ ԱԺ նախագահ Ալեն Սիմոնյանը պետության հաշվին ձեռք էր բերել 2.5 մլն դրամ արժողությամբ ոսկե համրիչ՝ թազբեհ։
Ստացվում է, որ Ազգային ժողովի բյուջեն օրենսդրական գործունեությունից զատ ծառայում է նաեւ խորհրդարանական «կենցաղի հարմարավետությանը»։ Թե ինչու են այս գնումները պետբյուջեի հաշվին կատարվում եւ ինչ օգուտ են բերում երկրի օրենսդիր մարմնին ֆունկցիոնալ իմաստով՝ մնում է չպարզված»։
Առավել մանրամասն թերթի այսօրվա համարում
Հայտնաբերվել են վտանգավոր խաղալիքներ․ տրվել են կարգադրագրեր
Մոլդովայում 24 ժամից էլ պակաս ժամանակում ընկել է հինգ ռուսական անօդաչու թռչող սարք
Ինչո՞ւ է մահից առաջ ամբողջ կյանքն անցնում աչքի առջևով
13-ամյա երեխան հայտնել է, որ «ՍՕՍ մանկական գյուղեր»-ի մասնաճյուղում ֆիզիկական բռնության է ենթարկվել
1
2445 դիտում
2
2133 դիտում
3
1802 դիտում
4
1710 դիտում
5
1669 դիտում
1
31475 դիտում
2
11474 դիտում
3
8512 դիտում
4
5699 դիտում
5
4846 դիտում
2
19592 դիտում
3
17770 դիտում
5
11417 դիտում
