Հայաստանում ռուսական համայնքի առաջին դասարանցիների թիվը գնալով աճում է. Համայնքի ղեկավարները փաստերով են խոսում

Այս տարի Հայաստանում ռուսական ամենամեծ` Լերմոնտովո համայնքի դպրոցն իր դռները բացելու է 150 աշակերտի առաջ, որոնցից 14-ը առաջին դասարանցիներ են: Այս մասին <<Իրավունքի>> հետ զրույցում ասաց Լերմոնտովո համայնքի վարչական ղեկավար ԷԴԻԿ ՉԱԽԱԼՅԱՆԸ.

-Լերմոնտովո համայնքում գործող դպրոց են հաճախում ոչ միայն Լերմոնտովո համայնքի ազգությամբ ռուս եւ մոլոկան աշակերտները, այլ նաեւ հարեւան Անտառաշեն համայնքի աշաակերտները: Այս գյուղում եւս բնակչության 45 տոկոսը մոլոկաններ են: Ամեն տարի գրեթե նույն թվով աշակերտներ ենք ունենում, ու սա ուրախացնող փաստ է մեզ համար: Սա խոսում է այն մասին, որ ռուսական համայնքը ՀՀ-ում պաշտպանված է այնքան, որ անգամ մեկ այլ երկիր գնալու, ավելին այլ համայնքը տեղափոխվելու մասին չեն մտածում ո'չ ծնողները, ո'չ երեխաները:

Ֆիոլետովո համայնքի ղեկավար ԱԼԵՔՍԵՅ ՉԻՉՈՎԸ եւս ուրախությամբ փատեց, որ աշակերտների թիվը գնալով աճում է, դրան զուգահեռ աճում է առաջադիմությունը.

-Համայնքն ունի ռուսական դպրոց, որտեղ սովորում են 182ազգությամբ ռուս եւ մոլոկան աշակերտներ, այս տարի դպրոցը ընդունելու է թվով 14 առաջին դասարանցիներ:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝