Ռուսները ակտիվորեն հարձակվում են Դոնբասի բոլոր ուղղություներով. Հյուսիսային Դոնբաս

Եվ մեկ կարեւոր բնակավայրի գրավման մասին այսօր հայտնեցին ռուսական աղբյուրները: Խոսքը Լիմանի հյուսիսում գտնվող Սրեդնեե գյուղի մասին է, որը գրավելով, ռուսներն արդեն կարող են հարվածն ուղղել մոտ 3-4 կմ հարավ գտնվող Նովոսելովկային:

Այս բնակավայրն ունի ռազմավարական նշանակություն. այդ հատվածով է անցնում Լիմանի, ասնեք նաեւ Սեւերսկի հատվածի մատակարարումների հիմնական ուղիները:

Խնդիրն ուկրաինական կողմի համար բարդ է նրանով, որ Լիմանի արեւելքում ռուսները գրավել են Տորսկոեն, գրոհում են Զարեչնոեն, որից հետո մինչեւ Լիման այլեւս բնակավայրեր չկան: Մի փոքր ավելի հարավ ռուսները գրավել են նաեւ Կրիմինեցկյան անտառների ողջ գոտին` լիովին կախվելով Սեւերսկի գլխին եւ սպառնալով դուրս գալ Լիմանի հարավային թեւ: Որից  հետո Սլավյանսկ-Կրամատորսկ անգլոմերացիան է, որի ուղղությամբ նաեւ հարավից է սպասվում ռուսական հարձակում` Պոկրովսկ-Դոբրոպոլեի հատվածից: 

Ուկրաինական կողմի համար ամենամեծ խնդիրն է, որ ռուսները հարձակվում են Խարկովից մինչեւ Զապորոժե, որն էլ ավելի է սրում ռեզերվային խնդիրը: Գումարած, ուկրաինական ուժերի թիկունքային գոտիները, որտեղ տեղակայված են եղած ռեզերվները, իրենց հերթին են այս օրերին ակտիվ հարվածների տակ:

Տես նաեւ https://iravunk.com/?p=321109&l=am, https://iravunk.com/?p=321114&l=am, https://iravunk.com/?p=321116&l=am 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝