Ռուսները ակտիվորեն հարձակվում են Դոնբասի բոլոր ուղղություներով. Պոկրովսկ

ՌԴ ՊՆ-ի տեղեկատվությունը, որ ռուսները Կոնստանտինովկայի հարավային թեւում  մաքրել են Կլեբան-Բիկի ջրամբարի հարավային գոտին եւ գրոհում են այդ կարեւոր քաղաքը, ունի նաեւ մեկ կարեւոր եւ քիչ տեսանելի դետալ: Ըստ ՌԴ պաշտպանական գերատեսչության, Կլեբան-Բիկ բնակավայրը գարվել եւ ամբողջ օպերացիան ավատրել է «Հարավ» խմբավորումը, մինչդեռ մինչ այս այն գրոհում էր «Կենտրոն» բանակախումբը` 8-րդ բանակը: Սա «տեխնիկական» մանրամասն է, բայց մեծ հետեւանքներով:

Այսպես, ռուսական 8-րդ բանակը գործում է Պոկրովսկի եւ Կոնստանտինովկայի արանքում, եւ Պոկրովսկի ճակատում  ռուսական խոշոր հարձակման փուլում բավականին հետ էր մնացել արեւելյան հարեւան 51-րդ բանակից: Արդյունքում, 51-րդ բանակը չստացավ անգրաժեշտ լոգիստիկան, իսկ դա ուկրաինական կողմին հնարավորություն տվեց հակահարձակում իրականացնել:

Եվ ահա, երբ պարզվում է, որ Կլեբան-Բիկի օպերացիան ավատրել է «Հարավ» խումբը, նշանակում է, որ 8-րդ բանակն այդ հատվածից հանվել է, ինչը հնարավորություն է տվել մոտ կրկնակի մեծացնել իր հզորությունը 51-րդ բանակի աջ թեւում, ինչպես նաեւ` Կոնստանտինովկայի արեւմտյան հատվածի ուղղությամբ (Քարտեզում):

Արդյունքում, վերջին մեկ-երկու օրերին այս երկու ուղղություններում ռուսական ուժերի` 8-րդ բանակի գործողություններում ակտիվության կտրուկ աճ կա:  Ըստ այդմ, բանակի ուժերը արեւելքից Շախովո եւ Սաֆինովկան բնակավայրերի մատույցներում են, որոնց արեւմտյան հատվածից հարվածում է նաեւ 51-րդ բանակը: Ինչպես ներկայացնելու առիթներ ունեցել ենք, հենց Շախովո բնակավայրն է, որը գրավելով, ռուսական ուժերը կլուծեն Պոկրովսկ-Դոբրոպոլե ուղղությամբ հարձակումների լոգիստիկայի հարցը, որից հետո ուկրաինական ուժերի խնդիրը ծայրահեղ բարդանալու է:

Ընդ որում, հակահարձակումը, որն ուկրաիանկան հրամանատարությունն այստեղ նախաձեռնեց` փլուզվող ճակատը կայունացնելու համար, ներկա պահին խեղդված վիճակում է: Այդ մասին է վկայում նաեւ տեղից եկող լուրերը, որ Սիրսկին շտապ կերպով այլ թեժ հատվածներից նորանոր ուժեր է նետում Պոկրովսկ-Դոբարպոլե ուղղություն։ Այն դեպքում, երբ այս ուղղությամբ հակահարձակման համար նա կենտրոնացրել էր ուկրաինական բանակի էլիտար ստորաբաժանումները, որոնք որեւէ լուրջ արդյունք չունենալով, հայտնվեցին «մսաղացի» մեջ: Եվ ահա, երբ բանակային էլիտան աչքի առաջ ոչնչանում է, իսկ ռուսները այսօր-վաղը կապահովեն լոգիստիկաները`վերսկսելով հարձակումը, ապա ճակատի փլուզումը կանխելու` ուկրաինական հրամանատարության հնարավորությունները քիչ տեսանելի են:

Առավել եւս, կրկնենք, 8-րդ բանակը, բացվի Շախովոյից, զարգացնում է հարձակումը Կոնստանտինովկայի արեւմտյան թեւում, այստեղ եւս ի հայտ է եկել շրջապատման ռեալ հեռանկար: Այսինքն, մեկ ուղղություն չէ, որի մասին հիմա ուկրաինական հրամանատարությունը պետք է  մտածի:

Իսկ ահա բուն Պոկրովսկ-Միրնոգրադ անգլոմերացիայում ռուսները գրավել են առանցքային նշանակություն ունեցող Ռոդինսկոե բնակավայրի զգալի մասին: Հարձակում է սկսվել նաեւ Պոկրովսկի արեւմուտքում`ուղղված օղակն նգլոմերացիայի շուրջ փակելուն: Սա արդեն կատաստրոֆա է:

Տես նաեւ https://iravunk.com/?p=321109&l=am, https://iravunk.com/?p=321114&l=am, https://iravunk.com/?p=321117&l=am 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝