ԱՅՍՕՐ ԱՆՎԱՆԻ ՍՊՈՐՏԱՅԻՆ ՄԱՐՄՆԱՄԱՐԶԻԿ ՀԱՄԼԵՏ ՄԱՆՈՒԿՅԱՆԻ ԾՆՆԴՅԱՆ ՕՐՆ Է

Այսօր անվանի սպորտային մարմնամարզիկ, մեծահասակների Եվրոպայի չեմպիոն, երիտասարդների Աշխարհի կրկնակի չեմպիոն, երիտասարդների Եվրոպայի չեմպիոն, Աշխարհի գավաթակիր, Ուսանողական խաղերի Աշխարհի հաղթող, միջազգային կարգի սպորտի վարպետ ՀԱՄԼԵՏ ՄԱՆՈՒԿՅԱՆԻ ծննդյան օրն է, 18-ամյակն է լրանում։

Iravunk. com -ի մարզական լրագրողը զրուցել է օրվա հոբելյարի հետ։

- Շնորհավորում ենք, Համլետ, ծննդյան տարեդարձի, չափահաս տարիքդ լրանալու, ինչպես նաև վերջերս Ուսանողական խաղերի Աշխարհի չեմպիոնի տիտղոսը նվաճելու կապակցությամբ։

- Շատ շնորհակալ եմ։ Նշեմ, որ այդ մրցաշարը Համաշխարհային ամառային ուսանողական խաղերը կայացան Գերմանիայում։ Ես շատ լավ էի պատրաստվել այս մրցաշարին։ Հանդես եկա նժույգ թափեր վարժությամբ, հավաքեցի 14,933 միավոր ու ոսկե մեդալի արժանացա։ Շատ հիանալի զգացողություններ առաջացան ինձ մոտ։ Հայաստանի պատվիրակությունը գլխավորում էր ՀՀ ուսանողական մարզական ֆեդերացիայի նախագահ Հովհաննես Գաբրիելյանը։ Այս մրցաշարից առաջ ես նվաճել էի նաև մեծահասակների Եվրոպայի չեմպիոնի տիտղոսը։

- Համլետ, զարմանալի է, չնայած երիտասարդ տարիքիդ, արդեն հասցրել ես բազմաթիվ նվաճումներ գրանցել։

- Դա տքնաջան պարապմունքների, աշխատասիրության արդյունքն է։

ՀՈՎՀԱՆՆԵՍ ՍԱՐԳՍՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝