Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

Իրանն ու Հայաստանը ապրիլից սկսած 87%-ով նվազեցրել են ապրանքների մաքսատուրքերը․ Իրանի արդյունաբերության նախարար

Տնտեսություն

Իրանի արդյունաբերության, հանքերի և առևտրի նախարարը, անդրադառնալով այս տարվա ապրիլից Իրանի և Հայաստանի միջև ապրանքների մաքսատուրքերի 87%-ի զրոյացմանը, պատմել է երկու երկրների միջև առևտրի ծավալի մեծացման ծրագրերի մասին՝ նշելով, որ իրենք կփորձեն բարձրացնել առևտրաշրջանառության մակարդակը։

Իրանի արդյունաբերության, հանքերի և առևտրի նախարար Սեյեդ Մոհամմադ Աթաբաքը, Հայաստանի էկոնոմիկայի և արդյունաբերության նախարարի հետ հանդիպումից հետո, ասել է. «Ըստ պայմանավորվածությունների՝ Իրանն ընդունվել է որպես դիտորդ Եվրասիական տնտեսական միությունում և այս ամբողջ ընթացքում ջանքեր են գործադրվել հարևանների հետ առևտրաշրջանառության մակարդակը բարձրացնելու համար։ Դրանցից ամենակարևորը Հայաստանն է, որը համարվում է դարպաս դեպի Եվրասիական միություն։ Այս տարվա ապրիլից պայմանավորվածությունների շրջանակում առևտրային համաձայնագրեր են կնքվել և մենք զրոյացրել ենք երկու երկրների միջև ապրանքների մաքսատուրքերի 87%-ը»։

Հղում անելով Իրանի և Հայաստանի միջև առևտրի աճին՝ նա ավելացրել է. «Իրանն ու Հայաստանը սկսել են առևտուրը այս միության պայմանագրի միջոցով և դա ունեցել է աճող դինամիկա։ Մենք վերլուծում ենք այս պայմանագրի տարբեր ասպեկտները՝ Եվրասիական երկրների հետ առևտրի մակարդակի վերաբերյալ և կփորձենք բարձրացնել առևտրի մակարդակը»։

Աթաբաքը, անդրադառնալով Հայաստանի էկոնոմիկայի և արդյունաբերության նախարարի հետ իր պայմանավորվածությանը, ընդգծել է. «Որոշվել է աշխատանքային խումբ ստեղխել, որը բաղկացած կլինի երկու երկրների արդյունաբերության և էկոնոմիկայի փոխնախարարներից, որպեսզի նրանք կարողանան որոշումներ կայացնել մնացած հարցերի վերաբերյալ։ Սա թույլ կտա կարգավորել փոխադարձ հաշվարկները երկու երկրների մաքսատների միջև և մենք փորձում ենք երկու երկրների չափանիշները բերել միասնական մակարդակի, որպեսզի առևտրականները հեշտությամբ կարողանան ապրանքներ փոխանակել»։

Հավանեցի՞ր հոդվածը, կիսվիր ընկերներիդ հետ