Ռուսները սկսում են դեպի Հյուսիսային Դոնբաս հարձակման երկրորդ փուլը (Քարտեզ)

Ուկրաինական մասնագիտական աղբյուրը հայտնում է.

«Պոկրովսկի ուղղությամբ Ռուսաստանի զինված ուժերը առաջ են շարժվել Պոկրովսկից հյուսիս՝ Ռոդինսկոյեի, Կուչերով Յարի և Շախովոյի շրջանում։

Ռուսական զորքերը, ըստ երևույթին, փորձում են լուծել իրենց համար գլխավոր խնդիրը՝ լոգիստիկան. Շախովոյի և Հեկտովայա Բալկայի միջև նորմալ ճանապարհի բացակայության պատճառով չափազանց դժվար է ռուսական բանակի մեծ ուժեր բերել։ Հետևաբար, Ռուսաստանի զինված ուժերը ցանկանում են գրավել Շախովոն և լուծել մատակարարման հարցը։ Ռուսաստանի զինված ուժերը, հավանաբար, փորձում են շրջանցել բնակավայրը և այն գործնականում շրջափակման մեջ են գցել։ Իրավիճակը բարդ է, բայց առայժմ Ուկրաինայի զինված ուժերին հաջողվել է պահել այս հանգույցը»։

Ուկրաինական աղբյուրի գնահատումը միանգամայն ընդունելի է: Բանն այն է, որ Պոկրովսկի հյուսիսում` Դոբրոպոլեի հատվածում ռուսական 51-րդ բանակի իրականացրած խորը ճեղքմանը զուգահեռ, աջ թեւում` Կոնստանտինովկայի արեւմուտքում գործող 8-րդ բանակը մի քանի շաբաթ դոփում էր տեղում (Քարտեզ 2): Այդ թվում` չկարողացավ գրավել Շախովո բնակավայրը, որը 51-րդ բանակի համար պետք է դառնար մատակարարումների հիմնական ուղի: Ընդ որում, ինչպես հուշում են ռուսական տեղյակ փորձագետները, 8-րդ բանակն իր հնարավորություններով ոչնչով չի զրջում 51-րդ-ին: Ու ավելին, 8-րդ բանակի դիմաց գտնվում են նկատելիորեն ավելի թույլ ուժեր, քան 51-ի: Եվ այդ դանդաղեցումը, որը, ինչպես եւ սպասվում էր, կաշկանդեց 51-րդ բանակի գործողությունենրը, նույն փորձագետները կապում են 8-րդ բանակի հրամանատարության որակական կողմերի հետ:

Բայց որոշ փոփոխություններ այստեղ կան. ներկա պահին 8-րդ բանակի մոտ որոշակի ակտիվացում արձանագրվել է: Մասնավորապես, արդեն դուրսեն եկել Սոֆիեւկայի հատված, ինչպես որ այդ բնակավայրին արեւմուտքից հարվածում է նաեւ 51-րդ բանակը: Իսկ Սոֆիեւկայի գրավման դեպքում շրջապատվում է Շախովոն, որի գրավման դեպքում ոչ միայն Պոկրովսկ-Դոբրոպոլե հատվածում իրավիճակը խորությամբ կփոխվի, այլ նաեւ 8-րդ բանակը վերջապես կկարողանա հարձակումը զարգացնել դեպի Դրուժովկա` արեւմուտքից աքցանավորելով Կոնստանտինովկան: Ընդ որում, ռուսական ուժերն արեւելյան հատվածում արդեն այդ կարեւոր քաղաքի վարչական սահմաններում են:

Տես նաեւ https://t.me/iravunk/56486 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝