Բրիտանիան նախադեպը չունեցող ներքաղաքական ճգնաժամի մեջ է. Սթարմերի կառավարությունը հազիվ թե դիմանա

Ինչպես եւ ենթադրելի էր, Բրիտանիայում քաղաքական համակարգը, որը գերծում էր շատ երկար ժամանակ, գլխովին փլուզվում է: Այսպես, օգոստոսի 13-14-ը անցկացված նոր հարցումը ցույց է տալիս, որ «Reform UK» կուսակցությունը կտաներ ջախջախիչ հաղթանակ, եթե այսօր անցկացվեին խորհրդարանական ընտրություններ։ Այն է` խորհրդարանական 650 մանդատներից «Reform»-ը կվերցներ 378-ը:

Սակայն բրիտանական ամենամեծ խնդիրն այն է, որ իշխող ուժը գործնականում կորցրել է իր լեգիտիմությունը: Այն է` վարչապես Սթարմերի ղեկավարած Լեյբորիստական կուսակցությունը, որը մեկ տարի առաջ վերցրեց 411 մանդտ, այս պահին վարկանիշով ոչ թե նույնիսկ երկրոդն է, այլ` երրորդը եւ կարող է հավակնել ընդամենը 66 մանդատի: Մեկ տարում նման անկում. սա, իհարկե, կատաստրոֆա է գործող վարչապետի համար, որի կառավարությունն այս հացումներից հետո հազիվ թե կարողանա դիմանալ:

Իսկ ահա մյուս ավանդական կուսակցությունը` Պահպանողականը, որն անցած տարի կորցրեց իշխանությունը` վերցնելով ընդամենը 131 մանդատ, այս մեկ տարում կորցրել է նաեւ 87-ի նկատմամբ հավակնությունը եւ ունի ընդամենը 34 մանդատի վարկանիշ:

Ընդհանրական իմաստով, խորհրդարանում միասին այս պահին 542 մանդատ ունեցող երկու ավանդական ուժերն ունեն ընդամենը 100 մանդատի վարկանիշ` 650-ից: Իսկ սա մի այնպիսի ներքաղաքական ճգնաժամ է, ինչպիսին Բրիտանիան երբեւիցե չի ունեցել: Ու սա դեռ միայն կխորանա, թեկուզեւ հաշվի առնելով այն մեծ պարտությունը, որը Բրիտանիան, այսինքն` ավանդական քաղաքական համակարգը կարող է կրել ուկրաինական ուղղությամբ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝