Մխիթարյան, թե՞ Սուչիչ.Կիվուն դեռ վերջնական որոշում չունի Հայաստանի հավաքականում Տիկնիզյանն այլ դեմք է ցույց տալիս. հունական մամուլի դիտարկումները Մարտնչող «բարեփոխիչների» կլանը հերթական սուտն ու կեղծիքն է տարածում Ամենակարեվորն է, որ երեք առաջնորդները կարողացան նստել մեկ սեղանի շուրջ Պատահական չէ, որ Պուտինն ի ցույց դրեց «միջուկային ճամպրուկը» Զատկից հետո ներկած ձուն մեզ պետք չէ․ Շարմազանովը՝ Փաշինյանին Թքե՛ք այդ մանդատների վրա, պահել եք որ ի՞նչ․ Հայկ Բաբուխանյան «Անհաջողության ջենթլմենները» կրկին հանձնվում են Նիկոլը փորձում է Մոսկվային համոզել, թե ինքը Հայաստանը ԵՄ կազմում տեսնում է 20 տարի անց Խոշոր վթար Վանաձորի գլխավոր ճանապարհին. Տեսանյութ

Նիկոլի ենթակա Կոստանյանը պարզապես փափուկ բարձ է փորձել դնել Թեհրանի գլխի տակ

Վերլուծություն

Իրանական աղբյուրների տեղեկացմամբ, Հայաստանի արտաքին գործերի փոխնախարար Վահան Կոստանյանը իրանական հեռուստաալիքին տված հարցազրույցում  հայտարարել է, որ հայ-իրանական սահմանի երկայնքով երրորդ կողմի անվտանգության ուժեր տեղակայելու հնարավորությունը լիովին բացառված է։

Ըստ Կոստանյանի, նախատեսվում է Հայաստանում գրանցել ընկերություն, որի բաժնետոմսերը կբաժանվեն Հայաստանի և ԱՄՆ-ի միջև, ինչը չի նշանակում ամերիկյան անվտանգության ուժերի ներկայություն տարածաշրջանում: «Մենք գիտենք, որ այս հարցը իրանական կողմի հիմնական մտահոգություններից մեկն էր, և մենք կարծում ենք, որ այս մտահոգությունը վերացված է»,- ասում է նա:

«Մենք համոզված ենք, որ այս հայտնագործությունը չպետք է հանգեցնի նոր աշխարհաքաղաքական սահմանափակումների, այլ, ընդհակառակը, պետք է ծառայի որպես միջոց՝ աշխարհաքաղաքական խաղացողների միջև վստահությունն ամրապնդելու համար: Իրականում, ԱՄՆ-ի բաժնեմասը Հայաստանում գրանցված ընկերությունում օգտակար կլինի Ամերիկայի համար, Իրանը կստանա մուտք դեպի Սև ծով, և մենք կունենանք երկաթուղային կապ Բաքվից դեպի Ռուսաստան:

Թեհրանի հիմնական մտահոգություններից մեկը Իրանի և Հայաստանի միջև պատմական սահմանն է: Մենք գնահատում ենք այս սահմանը և շնորհակալ ենք Իրանի քաղաքական աջակցության համար այս հարցում վերջին տարիներին:

Այս դիրքորոշումը մեզ համար նույնքան կարևոր է, որքան Իրանի համար, և այն ոչ մի դեպքում չի փոխվի: Մենք անհրաժեշտ երաշխիքներ ենք տվել իրանական կողմին: Մեր երկրների միջև հարաբերությունները մեզ համար ռազմավարական նշանակություն ունեն և երբեք չեն լինի որևէ աշխարհաքաղաքական գործարքի առարկա։ Մենք բարձր ենք գնահատում այս կապերը, որոնք հազարամյակների պատմություն ունեն»։

Այնուամենայնիվ, մեկ փաստ հիշեցնենք. ԱՄՆ-ում ստորագրված այն փաստաթղթերում, որոնք հրապարակվեցին, բառ անգամ չկա , որ Հայաստանը կապ է ստանում Ադրբեջանով դեպի Ռուսաստան: Բառ անգամ չկա Երասխի հատվածում Նախիջեւանի հետ երկաթուղու գործարկման մասին: Այսիքն, գոնե այս դիրքից, Հայաստանին երկաթուղային ելք տալ-չտալի կախված է բացառապես Ալիեւի ցանկություից: Իսկ հայկական իշխանավորների պնդումները, թե երկաթուղին մեզ համար կբացվի, ընդամենը օդից կախված, ավելի կոնկրետ` իրենց ստորագրությունն արդարացնող չհիմնավորված հայտարարություններ են: Այն դեպքում, երբ Նիկոլը փաստաթղթային պարտավորություն է ստանձնել, որ Մեղրիի գիծն իր համար բացվելու է: 

Ընդ որում հիշեցնենք, որ նոյեմբերի 9-ի եռակողմ պայմանավորվածություններով սահմանվում էր, որ բացի Մեղրիի գծից, պետք է բացվեն նաեւ մյուս բոլոր կոմունիկացիաները:

Բացի այդ, Նիկոլը վաշինգտոնյան ստորագրության հաջորդած ասուլիսում փորձում էր բացատրել, թե ամերիկացիների հետ ստեղծվող այդ ընկերությունը (ըստ մեր տվյալների, Հայաստանը դրանում ընդամենը 30 տոկոս մասնաբաժին է ունենալու, այն է` ամերիկացիներն ունենալու են բացարձակ մեծամասնություն եւ ինչ ուզեն, կարող են անել), ինչպես մյուս բոլոր ընկերությունները, կունենա իր անվտանգային կամ պահնորդական ծառայությունը (մի գեղեցիկ տերմին կմտածեն): Ու կա՞ երաշխիք, որ այդ ստեղծվելիք ընկերության գործունեության անվտանգությունը չի ապահովելու ամերիկյան, ասենք, 20 հազարանոց մասնավոր ռազմական ընկերություն` Պենտագոնի ստվերային հովանավորության տակ գործող: Այն դեպքում, երբ բոլոր հարցերում որոշում կայացնողը լինելու են հենց ամերիկացիները` ընկերության բաժնեմասի միջոցով, որի վրա, բնական է, նաեւ քաղաքական տանիք կկառուցվի:

Այսինքն շատ նման է, որ Նիկոլի ենթակա Կոստանյանը պարզապես փափուկ բարձ է փորձել դնել Թեհրանի գլխի տակ:

Տես նաեւ https://t.me/iravunk/56351 

Հավանեցի՞ր հոդվածը, կիսվիր ընկերներիդ հետ