ԳՅՈՒՄՐԻՈՒՄ ՆՇՎԵՑ ԵՐԻՏԱՍԱՐԴՆԵՐԻ ՄԻՋԱԶԳԱՅԻՆ ՕՐԸ

Օգոստոսի 12-ը, Երիտասարդների միջազգային օրն էր։ Հայաստանի մշակութային, սպորտային մայրաքաղաք Գյումրիում մեծ հանդիսավորությամբ նշվեց այս տոնը։

Iravunk. com -ի Շիրակի մարզի թղթակիցը ներկա է գտնվել։ Միջոցառումների մեկնարկը տրվեց «Պարահարթակ» նախագծի համերգային ծրագրով, Երիտասարդական պարային խմբերի մասնակցությամբ, որը անցկացվեց Գյումրիի Թատերական հրապարակում։ Հովհաննես Շիրազի հուշատուն - թանգարանի բակում «Երիտասարդականի շուրջ» երիտասարդական քննարկմանը մասնակցեցին երիտասարդական կառույցների, կազմակերպությունների խմբերի տասնյակ ներկայացուցիչներ։ Միջոցառումներ կայացան «Ասլամազյան քույրերի» պատկերասրահում,«Ֆոլկաստիկ» բենդի համերգը, Գյումրիի համայնքային ցուցասրահում գրքի ու դասականի շուրջ 500 գիրք Newmag -ից, ԵՊԿ Կոմիտաս երիտասարդական նվագախմբի համերգը։ Երիտասարդական նախաձեռնությունների կենտրոն ՀԿ ֊ի նախաձեռնությամբ, Գյումրիում արդեն 11֊րդ անգամ նշվեց երիտասարդների միջազգային օրը, որն այս տարի կրում է «Երիտասարդական տեղական նախաձեռնության կայուն զարգացման նպատակներին ու ավելիին հասնելու» խորագիրը։

Նշենք, որ Գյումրիի Թատերական հրապարակում իսկապես տիրում էր երիտասարդական թեժ մթնոլորտ, համերգային ծրագրի ավարտին 4 երիտասարդներ պատվոգրի արժանացան Գյումրիի քաղաքապետ Վարդան Ղուկասյանի կողմից։

ՀՈՎՀԱՆՆԵՍ ՍԱՐԳՍՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝