Որն է լինելու Ալյասկայի գագաթաժողովի հիմնական օրակարգը. Ուկրաինան մանրադրամն է

Դեռ այն պահից, երբ Թրամփը վերցրեց իշխանությունը եւ սկսեց Մոսկվայի հետ հարաբերությունները վերաշարադրելու գործընթացը, քանիցս առիթ ունեցել ենք պնդելու, որ ռուս-ամերիկյան ներկայիս գործընթացների հիմքում ամենեւին էլ Ուկրաինան կամ այլ հակամարտությունների թեմաներ չեն, որ դրված են: Այդ ամենը, խոշոր հաշվով, մանրադրամի դեր ունեն, ինչպես, ասենք, Ուկրաինական ապագա սահմանը մի քանի կիլոմետր այս կամ այն կողմ անցկացնելը. դրանց շուրջ ներկա տեսանելի պայքարն ընդամենը «աչք շեղելու» միջոց է:

Քանիցս կարծիք ներկայացնելու առիթ ունեցել ենք, որ այն հիմքը, որի վրա կառուցվում են ռուս-ամերիկյան հարաբերութունները, հյուսիսային գոտին է, եւ փաստը, որ Պուտին-Թրամփ գագաթաժողովն անցկացվում է Ալյասկայում, դրա լավագույն հիմնավորումն է:

Ինչ ասել է Հյուսիսային կամ Արկտիկական գոտի: Նավթի համաշխարհային չբացահայտված պաշարների 15%-ին և բնական գազի` 30%-ը, որի գրեթե կեսը գտնվում է Ռուսաստանի վերահսկողության տակ։ Ու սրանք ամենանվազագույն հաշվարկներով: Բազում այլ ռեսուրսներ, եւ, ամենակարեւորը, ձեռք չտրված:

Եվս մեկ էական դետալ. կոմունիկացիաներ: Դեռ մոտ 10 տարի առաջ պրակտիկ օրակարգ մտավ ԱՄՆ-ից մինչեւ Եվրոպա չընդհատվող երկաթուղային հաղորդակցության գաղափարը` Ռուսաստանով: Ընդ որում, ահռելի մեծ ծախսեր եւ ժամանակ չեն պահանջվում: Նույն կերպ առաջնային օրակարգում է Հյուսիսային ծովային ուղու գաղափարը. սա եւս ԱՄՆ-ից Ասիա, Եվրոպա, նաեւ Ասիայից Եվրոպա ամենակարճ ուղին է:

Եվ ոչ միայն ամենակարճ. նաեւ ամենաքիչ ժամանակատար: Եվ գլխավորը` ամենաէժան` ի հաշիվ տարածության, ժամանակի եւ տրանզիտային վճարների էական կրճատման:

Հաջորդ էական գործոնը. Հյուսիսային ծովային ուղու զարգացումն էապես հեշտացնում է արկտիկական պաշարների շահագործումը: Այսինքն, առաջց չափազանցության, խեսքը մարդկության պատմության ամենամասշտաբային տնտեսական նախագծի մասին է:

Թե ինչու է թեման մտել առաջնային օրակարգ, նույնպես աչքի առաջ է. կլիմայի գլոբալ փոփոխությունը: Դեռ 20 տարի առաջ Հյուսիսային ուղին հնարավոր էր շահագործել տարվե մեջ առաջելագույնը 4 ամիս: Ներկայիս տաքացումներն այդ ժամկետն արդեն հասցրել են 5-6 ամսվա, իսկ սառցահատ նավատորմի առկայության դեպքում այն կարող է գործել ողջ տարին: Նույնը երկաթուղու պարագայում է: Մինչդեռ գլոբալ տաքացումները դեռ շարունակվում են:

Ով կարող է շահել նման նախագծից: ԱՄՆ-ի եւ ՌԴ-ի համար այն դարակազմիկ իմաստ ունի: Չինաստանի համար եւս, խոշոր հաշվով, այն ընդունելի նախագիծ է: Բրիտանիան, թերեւս, կորցնողների թվում կլինի, հաշվի առնելով, որ 300-400 տարվա կոմունիկացիոն սխեմաներ են փոխվում: Չնայած, Բրիտանիան արդեն իսկ մեծապես կորցրել է Հարավային ուղու վրա իր ազդեցությունը, պարզապես պետք է ռեալ ընդունի այն աշխարհաքաղաքական դիրքը, որը ներկայումս ունի:

Այսպիսով այն, որ հենց Արկտիկական ծրագիրն է լինելու Ալյասկայի բանակցությունների հիմքերի հիմքը, կարծես թե միանշանակ է: Ինչ կստացվի, կտեսնենք երկու օրից։

Ինչ վերաբերում է Ուկրաինային, ապա հայտնի դարձավ, որ արդեն նաեւ Եվրոպան է տեղեկացրել` գալիք տարվանից ֆինանսավորումն էապես կկրճատվի: Թերեւս, միանգամից կփլուզվեն նաեւ ԵՄ-ին միանալու հեքիաթները. նման պարտքային բեռով երկրին Եվրոպայի դռներին էլ մոտ չեն թողնի։ 

Տես նաեւ https://t.me/iravunk/56269 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝