Պլաստիկ աղտոտվածությունը թերագնահատված սպառնալիք է համաշխարհային առողջության համար․ ուսումնասիրություն

Հասարակություն 6 Օգոստոս, 2025 21:00

Պլաստիկը հիվանդությունների և մահվան պատճառ է դառնում

՝ սկսած մանուկ տարիքից մինչև ծերություն, ինչպես նաև հանգեցնում է առողջապահական ոլորտում տարեկան ավելի քան 1.5 տրիլիոն դոլարի տնտեսական կորուստների», — նշվում է The Lancet բժշկական ամսագրում հրապարակված հոդվածում։

Հոդվածը հրապարակվել է օգոստոսի 4-ին՝ Ժնևում միջազգային բանակցությունների մեկնարկից մեկ օր առաջ։ Այդ բանակցությունների նպատակն է պլաստիկի աղտոտման դեմ պայքարի մասին աշխարհում առաջին համաձայնագիր կնքելը։ Հոդվածի հեղինակները կոչ են արել Շվեյցարիայում հավաքված գրեթե 180 երկրների պատվիրակներին համաձայնության գալ և ստորագրել համաձայնագիրը, հաղորդում է DW-ն։

Ըստ հեղինակներից մեկի՝ բժիշկ և հետազոտող Ֆիլիպ Լենդրիգանի (Բոստոնի քոլեջից), կլիմայական և պլաստիկի ճգնաժամերը «այսօր հիվանդություններ, մահեր և հաշմանդամություն են առաջացնում տասնյակ հազարավոր մարդկանց մոտ»։ «Եվ այս հետևանքները մոտակա տարիներին միայն կուժեղանան, քանի որ մոլորակը կշարունակի տաքանալ, իսկ պլաստիկի արտադրությունը կավելանա», - կարծում է նա։

Համաշխարհային մակարդակով պլաստիկի արտադրության ծավալը 1950 թվականի 2 միլիոն տոննայից հասել է 475 միլիոն տոննայի՝ 2022 թվականին, իսկ մինչև 2060 թվականը այդ ծավալը կարող է եռապատկվել, նշվում է «The Lancet»-ի հոդվածում։ Ընդ որում, արտադրված ամբողջ պլաստիկի 10%-ից պակասն է ուղարկվում վերամշակման։

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Պլաստիկ աղտոտվածությունը թերագնահատված սպառնալիք է համաշխարհային առողջության համար․ ուսումնասիրություն

Փոխարժեք