Ահա թե ինչու Սթիվեն Ուիտկոֆը շտապում է Մոսկվա

Այսօր ԱՄՆ-ն կփորձի «վերջին անգամ» զիջումներ ստանալ Ռուսաստանից...

Ավելի կոնկրետ, սա «վերջին փորձն» է մինչև այն «վերջնաժամկետը», որը Թրամփը սահմանել է իր համար՝ Մոսկվայի դեմ իր առաջին պատժամիջոցների հայտարարման համար։

Ամեն դեպքում, Սթիվեն Ուիտկոֆի Մոսկվա այցի հենց փաստի մեջ արդեն աչքի է ընկնում այն, որ հենց Թրամփին է շատ պետք թեկուզեւ ցուցադրական ինչ-որ «զիջում», քան Ռուսաստանին: Բանն այն է, որ ՌԴ-ի հիմնական առևտրային գործընկերներն արդեն հստակեցրել են, որ չեն վախենում Վաշինգտոնի սպառնալիքներից և չեն պատրաստվում պարել նրա մեղեդու տակ` հրաժարվելով ռուսական նավթից։ Ասենք, այստեղ նրանց համար խնդիրը ոչ այնքան ռուսական նավթն է, որքան սեփական հեղինակությունը: Այսինքն, եթե հիմա Չինաստանն ու Հնդկաստանը ենթարկվեն Թրամփի ճնշմանը եւ ի վնաս իրենց հրաժարվեն ռուսական նավքից, ապա վաղը-մյուս օրը ԱՄՆ-ն ցանկացած այլ քաղաքական հակասության դեպքում նրանց «դեմ կտար» նույն պահանջը. չանեք սա, կբարձրացնեմ մաքսատուրքերը: Եվ այդպես շարունակ: Եվ այն, որ միանգամից մերժեցին, լիովին հասկանալի է:

Ակնհայտորեն, հենց դա էր այս խաղում Թրամփ գլխավոր սխալը. փորձեց տնտեսական հարաբերությունները վերածել գլոբալ քաղաքական գործիքի, ավելի ճիշտ` ճնշումային միջոցի` գլոբալ ուժերին կանգնեցնելով երկընտրանքի առաջ` ծնկի եկեք կամ մեխնիզմը կմիացնեմ: Ու հիմա, այդ երկընտրանքն իրեն վերադարձավ` «ծնկի չենք գալիս, ինչ ուզում ես` արա, բայց կստանաս պատասխան» իմաստով: Ու հիմա Թրամփն է որոշելու` ինչ անել: Միացմի մեխանիզմը, դա կարող է ծանր անդրադառնալ հենց ԱՄՆ-ի համար. մաքսատուրքային պատերազմներ Չինաստանի, Հնդկաստանի եւ այլոց հետ` աշխարհի բնակչության մոտ 40 տոկոսի, եւ այդ թիվը մեծանալու հակում ունի: Չգնա այդ քայլին, կարող է լրջորեն վնասել իր իսկ հեղինակությանը (որը նա շատ է գնահատում եւ որը լուրջ անկման մեջ է)։

Միակ ելքը Մոսկվայի հետ մի կերպ լեզու գտնելն է, գոնե ժամանակավոր: Ահա թե ինչու Սթիվեն Ուիտկոֆը շտապում է Մոսկվա՝ հանդիպելու Ռուսաստանի ղեկավարության հետ։

Ամբողջ հարցը հիմա սա է` իսկ Մոսկվայում  Ուիտկոֆին կընդունե՞ն. տեսնենք:

Տես նաեւ https://t.me/iravunk/55829 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝