Իվետայի հետ զուգահեռ ներկայացվել են բազմաթիվ հայ երգիչ-երգչուհիներ եւ խմբեր. Doping Space-ը պարզաբանում է Լոպեսի երեւանյան համերգի բացման ելույթի ընտրությունը. style.news.am

Երեկվանից համացանցում քննարկվում է ոչ միայն Ջենիֆեր Լոպեսի համերգը, այլեւ Իվետա Մուկուչյանի ինստագրամյան հրապարակումը, որում նա մեկնաբանել էր, թե ինչու էր Ջենիֆեր Լոպեսի թիմը հրաժարվել երգչուհու երեւանյան համերգին՝ որպես բացման արտիստ իր թեկնածությունից։ Ջենիֆեր Լոպեսի երեւանյան համերգի կազմակերպիչ Doping Space ընկերության կրեատիվ տնօրեն Հովհաննես Մարգարյանը NEWS.am STYLE-ի հետ զրույցում ներկայացրել է, թե ինչպես է կատարվել համերգի բացման արտիստի ընտրության կարգը․ «Սովորաբար այսպես է՝ մինչեւ հրավիրված արտիստի պրոդյուսերներին հասնելը Հայաստանից երգիչներն իրենց ռեպերտուարն են ներկայացնում բացման շոուի համար, քանի որ մինչեւ արտիստի բեմ բարձրանալը այլ կատարողներ են անհրաժեշտ, որպեսզի ջերմացնեն մթնոլորտը, մինչ հանդիսատեսը կհավաքվի։ Իվետայի հետ զուգահեռ ներկայացվել են բազմաթիվ հայ երգիչ-երգչուհիներ եւ խմբեր: Իսկ գրառման մասով նշեմ որ երեկ ես նույնպես տեսել եմ դա, ու անկեղծ ասած չգիտեմ, թե դա ինչ նամակագրություն էր և ում հետ քանի որ նման բնույթի հարցերի քննարկումը անց է կացվում բացառապես Doping Space-ի և Ջենիֆեր Լոպեսի թիմի միջև և այդ նամակագրության մեջ ներգրաված չի եղել հայ աստղերից ոչ ոք: Իսկ Իվետա Մուկուչյանի կողմից շոուին նախապարտաստվելու մասով ցավում եմ, սակայն կարծում եմ, որ նման միջոցառմանը այդպես նախապատրաստվելուց առաջ նախ պետք է ունենալ առնվազն հաստատում Ջենիֆեր Լոպեսի թիմի կողմից»:

Հավելենք, որ Իվետա Մուկուչյանը, անդրադառնալով թեմային, ներկայացրել էր իրեն ուղղված պատասխանը, որտեղ նշված էր՝ «Ոչ, նա շատ մոտ է Ջեյ Լոյին. դիջեյ թող լինի, կամ այլ տարբերակ առաջարկեք»: Ինքը՝ երգչուհին ինստագրամյան «սթորիում» հավելել էր․ «Ես արդեն եզակի բացման շոու էի նախապատրաստում Ջենիֆեր Լոպեսի երեւանյան համերգի համար, բայց իմ ելույթը վերջին պահին չեղարկեցին այսպիսի պատասխանով: Ես կարծում եմ՝ սա մեծ կոմպլիմենտ է, իսկ ես համերգը կվայեմ ամբողջովին հանգիստ վիճակում»։

Սկզբնաղբյուրը՝ style.news.am

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝