Գազավորված ըմպելիքը չի վնասում ատամների առողջությանը, եթե այն շաքար չի պարունակում․ Wellness Pulse

Գազավորված ջրի օգտագործումը չի հանգեցնում ատամի էմալի վնասմանը և ոսկորների ամրության նվազմանը։ Այս մասին Wellness Pulse-ին հայտնել է Դանիայի Օրհուսի համալսարանի VIA քոլեջի դիետոլոգ և գլոբալ սնուցման փորձագետ Սանդրա Վիգելենեն։

Փորձագետի խոսքով՝ ջրի գազավորման գործընթացում առաջանում է թույլ ածխաթթու, որը միայն աննշան կերպով է նվազեցնում բերանի խոռոչի pH-ի (թթվայնության) մակարդակը։

«Այս ջուրն իսկապես մի փոքր ավելի թթվային է, քան սովորական ջուրը։ Այնուամենայնիվ, այն pH մակարդակը նորմայից շեղում է ավելի քիչ կերպով, քան քաղցր գազավորված ըմպելիքները», - նշել է սննդաբանը։

Բժիշկը նշել է, որ մի շարք ուսումնասիրություններ արդեն ցույց են տվել թթվային ըմպելիքների ազդեցությունը ատամի էմալի վրա։

«Ջորջ Էմիլ Պալադայի համալսարանի (Ռումինիա) համակարգված վերանայումը նշում է, որ բոլոր թթվային ըմպելիքները՝ հյութերից և սմուզիներից մինչև հարստացված և գազավորված ջրեր, կարող են կործանարար ազդեցություն ունենալ էմալի վրա՝ լաբորատոր պայմաններում», - նշել է Վիգելենը։

Սակայն, ինչպես պարզել են գիտնականները՝ իրական ազդեցությունը կախված է վարքային գործոններից՝ որքան հաճախ է մարդը խմում նման ըմպելիքներ, օգտագործում է արդյոք ձողիկ և որքան ուշադիր է պահպանում բերանի խոռոչի հիգիենան։

Մասնագետը նաև ընդգծում է, որ գազավորված ջրում շաքար չկա, որն էլ հենց գլխավոր դեր է խաղում էմալի քայքայման գործում։

Որոշ մարդիկ նաև կարծում են, որ գազավորված ջուրը «լվանում» է կալցիումը ոսկորներից և առաջացնում օստեոպորոզ։ Բժշկի խոսքով՝ այս միֆն առաջացել է դիտորդական հետազոտության հրապարակումից հետո, որում մեծ քանակությամբ կոլայի օգտագործումը կապվել է ոսկրերի հանքային խտության նվազման հետ։

Բժիշկը նշել է, որ այս ազդեցությունը կարող էր առաջանալ ըմպելիքի մաս կազմող ֆոսֆորական թթվի պատճառով։ Այն կարող է խանգարել կալցիումի կլանմանը։

Սակայն, մասնագետի խոսքով, ոսկրային խտության վրա ազդում են բազմաթիվ գործոններ և սխալ է դրանում մեղադրել միայն ըմպելիքներին։ Ավելին, ժամանակակից տվյալները ցույց են տալիս, որ գազավորված ջուր խմելը (բացառությամբ կոլայի) կապված չէ կոտրվածքների ռիսկի բարձրացման հետ։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝