ՀՐԱՏԱՊ. Աղմկահարույց գործերով հայտնի փաստաբանը դիմել է ԿԳՄՍ-ին եւ ՊԵԿ-ին

Հաշվի առնելով աշխարհահռչակ Նյու Յորքյան հայտնի երգչուհու Երևանյան համերգի հետ կապված տարբեր ասեկոսներն ու մեկնաբանությունները,հրապարակային դիմում եմ ԿԳՄՍ նախարարությանը,ՊԵԿ ին,ակընկալելով ստանալ սպառիչ պատասխան։
       Այս հարցմամբ նաև ցանկանում եմ մշակույթ մտցնել ,վերջապես,դադարեցնել համացանցային բամբասանքներին ,իսկ պետական լիազոր մարմիններից պահանջել աշխատել օրենքով։
 

Հանրային տեղեկատվության ստացման գրավոր պահանջ

ՊԱՀԱՆՋ

Հիմք ընդունելով ՀՀ Սահմանադրության 51-րդ հոդվածը և ՀՀ «Տեղեկատվության ազատության մասին» օրենքի 6-րդ հոդվածը՝ հայցում եմ տրամադրել հետևյալ տեղեկությունները՝ կապված համացանցում և լրատվամիջոցներում տարածված տեղեկությունների հետ առ այն, որ հանրահայտ արտիստ Ջենիֆեր Լոպեսին հրավիրելու և նրա մասնակցությամբ համերգ կազմակերպելու համար պետական բյուջեից հատկացվել է զգալի գումար։

1. Տրամադրել պայմանագրերի պատճենները՝ կնքված երգչուհու կամ ներկայացուցիչների  հետ, այդ թվում՝ ֆինանսավորման աղբյուրները, վճարված գումարների չափը, նպատակային ծախսերը (օրինակ՝ թռիչք, հյուրանոց, հոնորար, կազմակերպչական ծախսեր և այլն)։

2. Տրամադրել տեղեկություն, թե արդյոք իրականացվել է մրցութային ընթացակարգ, եթե ոչ՝ ապա ինչ իրավական հիմքով է այն շրջանցվել։

3. Նշել, թե որ պետական մարմնի կողմից է կայացվել որոշում այս միջոցառման կազմակերպման վերաբերյալ, տրամադրել այդ որոշման պատճենը կամ հղումը։

4. Տրամադրել գնահատականներ կամ հաշվարկներ, թե որքան է կազմել այս միջոցառման արդյունքում ստացած կամ ակնկալվող տնտեսական օգուտը՝ զբոսաշրջության, հարկային մուտքերի կամ այլ ձևերով։

5. Հաստատել կամ հերքել, արդյոք միջոցառման կազմակերպումը իրականացվել է ՀՀ պետբյուջեի հաշվին, և նշել՝ որ բյուջետային ծրագրով կամ հոդվածով։

Հայցում եմ  տեղեկատվությունը տրամադրել օրենքով սահմանված հնգօրյա ժամկետում։

Փաստաբան' Լևոն Բաղդասարյան

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝