«ՄԵԾ ՀՊԱՐՏՈՒԹՅԱՆ ՈՒՆԵՑԱ, ԵՐԲ ՀԱՂԹԵՑԻ ՀԱՏԿԱՊԵՍ ԹՈՒՐՔ ՄՐՑԱԿԻՑՆԵՐԻՍ». ԲՌՆՑՔԱՄԱՐՏԻ ԵՎՐՈՊԱՅԻ ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂ ՌԱՖԱՅԵԼ ՀՈՎՀԱՆՆԻՍՅԱՆ

Iravunk. com -ի մարզական լրագրողը զրուցել է վերջերս Վրաստանում կայացած «Իրակլի Աբաշիձեի» անվան բռնցքամարտի միջազգային մրցաշարում ոսկե մեդալի արժանացած կաշվե ձեռնոցի մարտիկ, Եվրոպայի փոխչեմպիոն, Եվրոպայի գավաթի բրոնզե մեդալակիր, միջազգային կարգի սպորտի վարպետ ՌԱՖԱՅԵԼ ՀՈՎՀԱՆՆԻՍՅԱՆԻ հետ։

- Ողջույն, Ռաֆայել։ Շնորհավորում ենք փայլուն  հաղթանակի առթիվ։ Այս միջազգային մրցաշարում կարողացար ջախջախիչ հաղթանակներ տոնել երկու թուրք մրցակիցների հանդեպ։ Ինչպես ստացվեց։ - Շատ շնորհակալ եմ։ Հանդես եկա 85 կգ քաշային կարգում։ Մեկնարկային մենամարտում 5։0 հաշվով հաղթեցի ազգությամբ թուրք մրցակցիս, ապա հաջորդ մենամարտի ժամանակ պարտության մատնեցի վրացի մարզիկին, ընդ որում վաղաժամ։ Իսկ ահա եզրափակչում, ոսկե մեդալի ճանապարհին 5։0 հաշվով կարողացա հաղթել մյուս թուրք մրցակցիս։ Ամենաբարդը տրվեց եզրափակիչը թուրք մարզիկի հետ պայքարը։ Ճիշտ է, իմանալով, որ թուրք են մրցակիցներս, լարվածություն ունեի, բայց կարողացա գործել ճիշտ ձևով, ճիշտ հնարքներ կիրառել ու հաղթել։ Շատ մեծ հպարտության զգացողություններ ունեցա, երբ հաղթեցի հատկապես թուրք մրցակիցներիս։

- Ռաֆայել, հետևում էի մրցաշարին և իմ աչքից չվրիպեց, որ դու, ավանդույթը չխախտելով, հաղթանակից հետո զինվորական պատվի առար։ Հետաքրքիր է, թե ինչ է խորհրդանշում այդ ժեստը։

- Դա նշանակում է, որ հաղթանակս նվիրում եմ մեր բոլոր զինվորներին, մաղթելով խաղաղ, անփորձանք ծառայություն, բարի վերադարձ հայրենի տուն։

- Ինչ տվեց քեզ այս հաղթանակը։

- Սա շատ մեծ փորձ տվեց ինձ հատկապես Աշխարհի առաջնության համար։

- Շնորհակալություն, Ռաֆայել, մեզ ժամանակ տրամադրելու համար։ Սպասենք արդեն հաջորդ հաղթանակիդ։ - Զգացված եմ ուշադրության համար, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝