Մերն ուրիշ ա. ԸՆԿԵՐ ՓԱՆՋՈՒՆԻ

**

ԵՐԱՆԻ ԳԺԵՐԻՆ, ՈՐ ԷԼ ՉԵՆ ԳԺՎԵԼՈՒ

 Ըստ քաղտեխնոլոգների` Նիկոլը որդեգրել է` «Մի գիժ քարը գցում է փոսը, 100 խելոք չեն կարողանում հանել» հայտնի ասացվածքի տրամաբանությունը, բայց մի տարբերությամբ, նախ քարը գցած փոսերն են շատ, ու հետո էլ քարը փոսից հանել փորձող խելոքներին կալանավորում է։

**

ՀԻՆ ԱՍԱՑՎԱԾՔԻ ՆՄԱՆՈՒԹՅԱՄԲ

(ԱՐԱ ԱԲՐԱՀԱՄՅԱՆԻՆ ՊԱՏԿԱՆՈՂ ՀՅՈՒՍԻՍԱՅԻՆ ՊՈՂՈՏԱՅԻ 2859.4 ՔՄ ՄԱԿԵՐԵՍՈՎ ՀՈՂԱՏԱՐԱԾՔԸ ՀԱԿԱԿՈՌՈՒՊՑԻՈՆ ԴԱՏԱՐԱՆԻ ՈՐՈՇՄԱՄԲ՝ ԵՐԵՎԱՆԻՆ ՎԵՐԱԴԱՐՁՆԵԼՈՒ ՎԵՐԱԲԵՐՅԱԼ ՎՃՌԻ ԿԱՊԱԿՑՈՒԹՅԱՄԲ)

 Նիկոլը Արա Աբրահամյանից գողացավ, Աստված վերից զարմացավ։

 **

ԴԵՂԻՆ ՔԱՐՏ ՀԱՃԿԱՏԱՐԻՆ

 (ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ ԿՈՂՄԻՑ ԵՐԵՎԱՆԻ ՔՐԵԱԿԱՆ ԴԱՏԱՐԱՆԻ ԱՎԱՆ ՆՍՏԱՎԱՅՐԻ ԱՐԱՄ ՍԱՐԳՍՅԱՆԻ ԿՈՒՍԱԿԻՑ, ԻՇԽԱՆՈՒԹՅՈՒՆՆԵՐԻ ԿԱՄԱԿԱՏԱՐ, ԴԱՏԱՎՈՐ ՄԱՍԻՍ ՄԵԼՔՈՆՅԱՆԻ ՆԿԱՏՄԱՄԲ ՆԿԱՏՈՂՈՒԹՅՈՒՆ ՀԱՅՏԱՐԱՐԵԼՈՒ ԿԱՊԱԿՑՈՒԹՅԱՄԲ)

 ԲԴԽ-ից հայտնում են, որ վերոնշյալ դատավորին նկատողություն են տվել, որ Արամ Զավենիչը արխային չընկնի։

**

ՄԵՐՆ ՈՒՐԻՇ Ա

 ( ԱՐՏԱՍԱՀՄԱՆՑԻ ԱՎԵԼԻ ՔԱՆ 150 ԱՐՏԻՍՏՆԵՐԻ ԵՎ ԿՐԿԵՍԻ ՄԱՍՆԱԳԵՏՆԵՐԻ` ԵՐԵՎԱՆ ԳԱԼՈՒ ԵՎ «ՏԱՇԻՐ ԱՐԵՆԱՅՈՒՄ» ՇՈՈՒ ԿԱԶՄԱԿԵՐՊԵԼՈՒ ԼՈՒՐԻ ԿԱՊԱԿՑՈՒԹՅԱՄԲ)

Ըստ կլոունների համաշխարհային ասոցիացիայի` ամենայն հավանականությամբ, վերոնշյալ արտիստներին դժվար կլինի հայ հանդիսատեսին զարմացնելը, քանի որ նրանք 2018 թվականից ի վեր 7/24 ռեժիմով ամեն օր իշխող խմբակի ցիրկն են նայում:

**

ՍՅՈՒՆԻՔԻ ԺՈՂՈՎՈՒՐԴԸ` ՎԱՀԱԳՆ ԽԱՉԱՏՈՒՐՅԱՆԻՆ

(ՆԱԽԱԳԱՀԸ ԵՌՕՐՅԱ ԱՅՑՈՎ ՍՅՈՒՆԻՔ ՄԵԿՆԵԼՈՒ ԵՎ ԲՆԱԿԻՉՆԵՐԻՆ ՄԻՋԱՆՑՔԸ ՏԱԼՈՒ ԹԵՄԱՅՈՎ` ՀԱՄՈԶԵԼՈՒ ԿԱՊԱԿՑՈՒԹՅԱՄԲ)

- Մենք շատ ունենք, որ թուրքերին ես տալիս:

- Ես չէի տալիս, Նիկոլը ասաց:

- Հա՜...

**

ՎԵՀԱՓԱՌԸ` ՆԻԿՈԼԻՆ

(ՍՅՈՒՆԻՔԻ ՄԻՋԱՆՑՔԸ ԹՈՒՐՔԵՐԻՆ ՏՐԱՄԱԴՐԵԼՈՒ ԳՈՐԾԸՆԹԱՑԻ ԿԱՊԱԿՑՈՒԹՅԱՄԲ)

Երբ Աստված ասաց՝ «Քո տունը բաց պահիր հյուրերի համար», ինքը նկատի չուներ, որ միջով երկաթգիծ ու ավտոմայրուղի տանես Բաքու ու տունդ դարձնես «պռախադնոյ դվոր»:

**

ՀԻՆ ԱՍԱՑՎԱԾՔԸ` ՆՈՐՈՎԻ

(ՆԻԿՈԼԻ` ԱՐՁԱԿՈՒՐԴ ՄԵԿՆԵԼՈՒ ԿԱՊԱԿՑՈՒԹՅԱՄԲ)

Հիմարը անձրեւից թաքնվում ա ջրափոսում, իսկ Նիկոլը գերտերություններից թաքնվում ա արձակուրդում:

**

ՀԻՆ ՌՈՒՍԱԿԱՆ ԱՍԱՑՎԱԾՔ

Куда у народа война, у вождя отпуск.

**

ՀԻՆ ԱՍԱՑՎԱԾՔԸ` ՆՈՐՈՎԻ

Երբ նավը խորտակվում ա, Նիկոլը առաջիննա լքում եւ գնում արձակուրդ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝