Հայաստանում զբաղվածների ամենամեծ թիվը առևտրի ոլորտում է

ՀՀ վիճակագրական կոմիտեի տրամադրած տվյալների համաձայն 2025թ. մայիսի դրությամբ Հայաստանում աշխատողների թվաքանակը կազմել է 790,328 մարդ, այդ թվում 219,839 պետական և 570,489 ոչ պետական աշխատողներ։ Նշենք, որ աշխատողների թվաքանակի 2024թ. համադրելի ցուցանիշի համեմատ արձանագրվել է 4% աճ։

Աշխատողների թվաքանակն ըստ տնտեսության ինստիտուցիոնալ հատվածների և տնտեսական գործունեության տեսակների հետևյալն է՝

Հայաստանում 2025թ. մայիսին ամենամեծ աշխատողների թվաքանակը եղել է մեծածախ և մանրածախ առևտրի, ավտոմեքենաների և մոտոցիկլների նորոգման ոլորտում, որտեղ զբաղված է 134,920 աշխատակից, որից բոլորը ոչ պետական։

Հաջորդում է կրթության ոլորտը, որտեղ զբաղվածների թիվը 125,141 է, որից պետական՝ 112,558 , ոչ պետական՝ 12,583։

Մշակող արդյունաբերություն՝ 91,898 զբաղված, որից բոլորը ոչ պետական։

Առողջապահություն և բնակչության սոցիալական սպասարկում՝ 54,668 զբաղված, որից պետական՝ 27,869, ոչ պետական՝ 26,799։

Տեղեկատվություն և կապ՝ 45,454 աշխատակից, որից պետական՝ 2,203, ոչ պետական՝ 43,251։ Մասնավորապես Տեղեկատվական Տեխնոլոգիաներ՝ 32,680 աշխատակից, որից պետական՝ 428, ոչ պետական՝ 32,252։

Պետական կառավարում և պաշտպանություն, պարտադիր սոցիալական ապահովություն՝ 40,906 զբաղված, որից բոլորը պետական։

Կացության և հանրային սննդի կազմակերպում՝ 41,251 զբաղված, որից բոլորը ոչ պետական։

Շինարարություն՝ 41,368 զբաղված, որից պետական՝ 278, ոչ պետական՝ 41,090։

Սպասարկման այլ ծառայություններ 30,435 աշխատակից, որից պետական՝ 377, ոչ պետական՝ 30,058։

Մասնագիտական, գիտական և տեխնիկական գործունեություն՝ 28,455 աշխատակից, որից պետական՝ 7,278, ոչ պետական՝ 21,177։ Մասնավորապես գիտական հետազոտություններ և մշակումներ՝ 6,475 զբաղված, որից պետական՝ 5,472, ոչ պետական՝ 1,003։

Ֆինանսական և ապահովագրական գործունեություն՝ 25,159 զբաղված, որից պետական՝ 856, ոչ պետական՝ 24,303։

Մշակույթ, զվարճություններ և հանգիստ՝ 24,687 աշխատակից, որից պետական՝ 9,984, ոչ պետական՝ 14,703։

Վարչարարական և օժանդակ գործունեություն՝ 24,324 զբաղված, որից պետական՝ 4,085, ոչ պետական՝ 20,239։

Փոխադրումներ և պահեստային տնտեսություն՝ 22,556 աշխատակից, որից պետական՝ 6,320, ոչ պետական՝ 16,236։

Էլեկտրականության, գազի, գոլորշու և լավորակ օդի մատակարարում՝ 17,612 աշխատակից, որից պետական՝ 1,531, ոչ պետական՝ 16,081։

Հանքագործական արդյունաբերություն և բացահանքերի շահագործում՝ 12,489 զբաղված, որից բոլորը ոչ պետական։

Գյուղատնտեսություն, անտառային տնտեսություն և ձկնորսություն՝ 13,072 զբաղված, որից պետական՝ 865, որ պետական՝ 12,207։

Անշարժ գույքի հետ կապված գործունեություն՝ 8,696 աշխատակից, որից պետական՝ 626, ոչ պետական՝ 8,070։

Ջրամատակարարում, կոյուղի, թափոնների կառավարում և վերամշակում՝ 7,237 զբաղված, որից պետական՝ 4,103, ոչ պետական՝ 3,134։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝