Ով ձեռնադրված հոգևորականին հանրային կերպով նախատի, թող ապաշխարի ծոմով․ Արտաշես սարկավագ Աջապահյան

«Թող մարդիկ իմանան թե նույն կանոնագիրքը ի՞նչ է ասում հոգեւորականին, առավել ևս եպիսկոպոսին կամ Վեհափառին զրպարտողների ու վատաբանողներին արժանի պատժի մասին։

Հայոց կանոնագիրքը խստորեն արգելում է Հայրապետի կամ եպիսկոպոսի նկատմամբ ցանկացած ձևի պախարակում, անարգանք կամ հանրային դատապարտում:

«Հայրապետի մեղքը քննելը պատկանում է միայն Ազգային-Եկեղեցական Ժողովին, ոչ թե աշխարհիկ իշխանությանը կամ անհատին»։

Հիմնարար կանոններ.

– Կանոն 19 (Սբ. Հովհան Օձնեցի) «Ով Հայրապետին կամ եպիսկոպոսին անարգի, պախարակի կամ դատի առանց Եկեղեցու ժողովի գիտության՝ թող լինի անեծյալ ու հեռացված եկեղեցուց»։

– Կանոն 68 (Մաշտոց Ա)

Ով ձեռնադրված հոգևորականին (մանավանդ եպիսկոպոսին) հանրային կերպով նախատի, թող ապաշխարի 40 օր աղոթքով ու ծոմով։ Եթե կրկնի՝ թող լինի արտաքսյալ»։

- Հանրային պախարակումը խիստ պատժվում է՝

– Հոգևոր կարգի հանդեպ սրբությունը պահելու համար, որովհետև Եպիսկոպոսը համարվում է առաքելական ծառայության շարունակող (տես Գործք 20:28):

– Ազգային միասնության խորհրդանիշ է Հայրապետը, ով միության գահն է հայության՝ ինչպես սովորեցնում է Ներսես Շնորհալին, իսկ Աստվածաշունչն ասում է. «Ով ձեզ լսում է՝ Ինձ է լսում, ով ձեզ արհամարհում է՝ Ինձ է արհամարհում» (Ղուկ. 10:16):

Նիկոլ Փաշինյանի՝ Վեհափառին «կաշառակեր», «անբարոյական» անվանելը և կաթողիկոսի ընտրությանը միջամտելու փորձերը.

– Խախտում են բոլոր կանոնները (19-րդ, 23-րդ, 68-րդ):

– Հանդիսանում են եկեղեցու դեմ հոգևոր պատերազմ։ Ըստ Եսայի 54:17-ի՝ «Ոչ մի զենք՝ ձեզ դեմ սարքված, հաջողություն չի ունենա»։

– Բերում են ազգային անեծքի վտանգ։ Ինչպես ասում է Ծննդ. 12:3-ը. «Ով քեզ անիծի՝ անիծյալ կլինի»։

Մի՛ մասնակցեք պետական պրոպագանդային՝ հիմնված կեղծ վարկաբեկումների վրա:

Պաշտպանե՛ք Հայրապետին աղոթքով ու խաղաղ հավաքներով: «Տե՛ր, թող միանան մեր ձայները՝ պահպանելու մեր սրբությունները» (Սաղմ. 133:1):

Միացե՛ք մեզ և աղոթենք Վեհափառի առողջության և անսասանության համար»:

Արտաշես սարկավագ Աջապահյան

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝