Ռուսական ուժերը ներխուժել են Պոկրովսկի կենտրոնական գոտի. ուկրաինական ճակատը փլուզվում է (Քարտեզ)

Ռուսական ուժերը, ինչպես երեկ հայտնել էինք, հարավային ուղղությունից, ճեղքելով ուկրաինական պաշտպանությունը, մտել են Պոկրովսկ` հարավային սահմանագիծ` ամրանալով Մ-30 մայրուղու հատվածում (https://iravunk.com/?p=318657&l=am):

Եվ ահա, երեկվա ընթացքում այս ուղղությամբ ուկրաինական ուժերի վիճակը դարձավ կատաստրոֆիկ:

Ըստ տեղի միանգամայն հավաստի աղբյուրների, նախ` Մ-30 մայրուղու հատվածում «Օ» բանակախմբի մարտիկները նկատելիորեն լայնացրել են վերահսկողության գոտին: Չնայած այն բանի, որ ուկրաինական հրամանատարությունը նետել էր տեղի օպերատիվ ռեզերվները` ռուսական ճեղքումը չեզոքացնելու համար:

Ավելին, ռուսական դիվերսիոն և հետախուզական խմբերը ներթափանցել են գրեթե մինչև Պոկրովսկի կենտրոնը։ Մասնավորապես, հրապարակվել է տեսանյութ, որը նկարահանել են ուկրաինացի զինվորները, որոնք ուղևորվում էին ուղևորատար մեքենայով և դարանակալվել քաղաքի կենտրոնական թաղամասերից մեկում։ Դատելով թշնամու զինվորների արձագանքից՝ նրանք շատ զարմացած էին տեղի ունեցածից։

Ի դեպ, ուկրաինական աղբյուրները հայտնում են, որ այս ճեղքումը հնարավոր է դարձել այն բանից հետո, երբ այդ հատվածը պաշտպանող բրիգադը կոցրել էիր բոլոր զինվորներին: Ոչնչացվել են, թե զանգվածաբար փախել, ուկրաինական աղբյուրը չի մանրամասնում, թեեւ դա այս դեպքում էականը չէ:

Ընդ որում, անգամ փաստը, որ ռուսները ժամերի ընթացքու հասան Պոկրովսկի կենտրոն, գլխավորը չէ: Շատ ավելի բարդ իրավիճակ է Պոկրովսկ-Միրնոգրադ անգլոմերացիայի հյուսիսում, որտեղ ուկրաինական պաշտպանություն կարելի է փլուզված համարել: Այն է` ռուսական ուժերն արդեն Ռոդինսկոեի մատույցներում են, սակայն քաղաք չմտնելով, գերադասում են այն եւս շրջանցել հյուսիսից` դուրս գալով Պոկրովսկ-Միրնոգրադ անգլոմերացիայի մատակարարումների հիմնական գծերի վրա (Քարտեզ 2): մի փոքր ավելի հյուսիս ռուսները գրավել են Սուվորովը, մարտեր են մղվում Նիկոլորովկայում: Այդպիսով, շատ լայն ճակատով Պոկրովսկ-Միրնոգրադ անգլոմերացիան շրջանցվում է հյուսիսից` հարվածն աստիճանաբար ուղղելով դեպի Դոբրոպոլե, որն այս պահին անպաշտպան գոտի է: Այս թեւային մարտերն իրենց վրա են հրավիրել ուկրաինական հրամանատարության ողջ ուշադրությունն ու ուժերը, եւ դա հնարավորություն տվեց ռուսներին` մտնել Պոկրոնսկի կենտրոն:

Այսպիսով,  Պոկրովսկ-Միրնոգրադ անգլոմերացիան, եթե ուկրաինական կողմն ինչ-որ արտակարգ բան չմտածի, աչքի առաջ կշրջապատվի: Ընդ որում, ռուսները կարող են ընթացքից հասնել Դոբրոպոլե-Բելոօզերսկոե հատված: Իսկ դա շրջապանտում է նշանակում նաեւ Կոնստանտինովկայի ողջ գոտու համար:

Տես նաեւ https://t.me/iravunk/55035 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝