ՊՈՒՏԻՆ-ԹՐԱՄՓ-ՍԻ ՊԱՅՄԱՆԱՎՈՐՎԱԾՈՒԹՅՈՒՆՆԵՐԻ՞Ն, ԹԵ՝ ՄԵԾ ԲԱԽՄԱՆՆ ԸՆԴԱՌԱՋ

Եվ ի­հար­կե, հա­րավ­կով­կաս­յան հար­թա­կում ներ­կա բո­լոր սրա­ցում­նե­րը շա­րու­նա­կում են պտտվել «Զան­գե­զու­րի մի­ջանց­քի» շուրջ: ի դեպ, հե­ղի­նա­կա­վոր ա­րե­ւե­լա­գետ Սեմ­յոն Բաղ­դա­սա­րո­վը բա­ցատ­րում է, թե ին­չո՞ւ են ՆԱՏՕ-ի երկր­ներն այդ­պես կենտ­րո­նա­ցել «Զան­գե­զու­րի մի­ջանց­քի» վրա. «Նախ­եւա­ռաջ, ի՞նչ է «մի­ջանց­քը»։ Ի­րա­կա­նում դա ցա­մա­քա­յին Պա­նա­մա­յի ջրանցքն է, դա տնտե­սա­կան եւ­ աշ­խար­հա­քա­ղա­քա­կան ազ­դե­ցութ­յան հսկա­յա­կան լծակ է…»: Ըստ այդմ էլ` «Ադր­բե­ջա­նա-թուր­քա­կան տան­դե­մը եւ ն­րանց ետ­եւում կանգ­նած Միաց­յալ Նա­հանգ­նե­րը փոր­ձում են «գո­ղա­նալ» ամ­բողջ Հա­րա­վա­յին Կով­կա­սը մեր քթի տա­կից...»։

­Բայց մյուս կող­մից, Թ­րամ­փը, ի­հար­կե, չի կա­րող չհաս­կա­նալ, որ խոսքն այն տա­րա­ծաշր­ջա­նի մա­սին է, ո­րը ոչ միայն դա­րե­րով ե­ղել է ռու­սա­կան ազ­դե­ցութ­յան գո­տին, այլ ուղ­ղա­կի Ռու­սաս­տա­նի մաս` թե´ Ռու­սա­կան Կայ­սե­րութ­յան, թե´ ԽՍՀՄ-ի ժա­մա­նակ: Այն է` ամ­բողջ Հա­րա­վա­յին Կով­կա­սը «գո­ղա­նա­լը» չի կաորղ նույ­նիսկ կար­ճա­ժամ­կետ հե­ռան­կա­րում չդառ­նալ Մոսկ­վա­յի հետ ծայ­րա­հող սուր հա­կա­սութ­յան նոր դրվագ: Մ­յուս կող­մից, կով­կաս­յան ուղ­ղութ­յու­նը նաեւ չիան­կան շա­հե­րի հա­մա­տեքս­տում իր ո­րո­շա­կի դերն ու­նի: Այն է` պատ­րա՞ստ է Թ­րամ­փը գլո­բալ հա­կա­մար­տութ­յան այդ կար­գի սրաց­ման: Կամ, որ պա­կաս կա­րե­ւոր չէ, կա­րո՞ղ է, բա­վա­րար ու­ժեր կա՞ն: Հաշ­վի առ­նե­լով, որ ա­ռանց այդ էլ կա նաեւ ուկ­րաի­նա­կան ուղ­ղութ­յու­նը:

Չ­նա­յած, դա­տե­լով ուկ­րաի­նա­կան աղբ­յուր­նե­րի գնա­հա­տում­նե­րից, Թ­րամ­փի վեր­ջին աղ­մուկ հա­նած հայ­տա­րա­րութ­յուն­նե­րը, այդ թվում` ՌԴ-ին 50-օր­յա ժամ­կե­տով «վերջ­նա­գիր» տալն ի­րա­կա­նում այլ խաղ է: Ըստ այդմ. «Բան­կո­վա­յում բո­լո­րը հիաս­թափ­ված են եւ կար­ծում են, որ Ռու­սաս­տա­նի դեմ պատ­ժա­մի­ջոց­նե­րի հետ կապ­ված Թ­րամ­փի ամ­բողջ գոր­ծը պայ­մա­նա­վոր­ված խաղ է: Կ­րեմ­լին 50 օր է տրվել այդ պատ­ժա­մի­ջոց­նե­րի ներդր­մա­նը նա­խա­պատ­րաստ­վե­լու հա­մար։ Հ­րա­պա­րա­կա­յին ա­ռու­մով Բան­կո­վա­յան ստեղ­ծում է ա­մե­րի­կա­ցի­նե­րի հետ գե­րա­զանց հա­րա­բե­րութ­յուն­նե­րի պատ­կեր, բայց կու­լիս­նե­րում նրանք ա­նի­ծում են Վա­շինգ­տո­նին` գլո­բալ խա­ղե­րի հա­մար…»: Այդ թվում, որ Թ­րամ­փը ուկ­րաի­նա­կան ճգնա­ժա­մի ծախ­սե­րի 90%-ը տե­ղա­փո­խում է ԵՄ՝ ըն­դա­մե­նը գլո­բա­լիստ­նե­րի գլխա­վոր հե­նա­րա­նը թու­լաց­նե­լու հա­մար: Ա­վե­լին, որ Թ­րամ­փի կողմ­նա­կից­նե­րը չեն հրա­ժար­վել Զե­լենս­կուն լու­ծա­րե­լու ծրագ­րե­րից: Ընդ ո­րում, աղբ­յու­րը դրա «հան­րա­յին նա­խազ­գու­շաց­ման ա­հա­զանգ» է հա­մա­րում ա­մե­րի­կա­ցի ոչ ան­հայտ լրագ­րող Սեյ­մուր Հեր­շի պնդում, որ ԱՄՆ-ն կա­րող է «ստի­պել Զե­լենս­կիուն հե­ռա­նալ, ե­թե նա դա կա­մա­վոր չա­նի»։

­Վեր­ջա­պես, որ` «Վա­շինգ­տո­նում եւ Ուկ­րաի­նա­յում շա­տե­րը կար­ծում են, որ անհ­րա­ժեշտ է հնա­րա­վո­րինս շուտ դա­դա­րեց­նել Ռու­սաս­տա­նի հետ պա­տե­րազ­մի սրա­ցու­մը, քա­նի դեռ դեռ կա հնա­րա­վո­րութ­յուն հա­մա­ձայ­նութ­յան գա­լու նա­խա­գահ Վ­լա­դի­միր Պու­տի­նի հետ»:

­Թե­րեւս, այս հա­մա­տեքս­տում կա­րե­լի է տես­նել նաեւ գլո­բա­լիս­տա­կան The Times-ի պնդու­մը, որ Չի­նաս­տա­նում կա­րող է տե­ղի ու­նե­նալ հա­մաշ­խար­հա­յին ա­ռաջ­նորդ­նե­րի՝ Սի Ց­զին­պի­նի, Վ­լա­դի­միր Պու­տի­նի եւ Դո­նալդ Թ­րամ­փի հան­դի­պում։ «Ա­ռի­թը Երկ­րորդ հա­մաշ­խար­հա­յին պա­տե­րազ­մի ա­վար­տի 80-ամ­յակն է։ Չի­նաս­տա­նը պատ­րաստ­վում է սեպ­տեմ­բե­րի 3-ին Տ­յա­նան­մեն հրա­պա­րա­կում կա­յա­նա­լիք լայ­նա­ծա­վալ շքեր­թին, եւ Պե­կի­նի հրա­վերն ար­դեն ըն­դուն­վել է Վ­լա­դի­միր Պու­տի­նի կող­մից։ Թ­րամ­փին հրա­վի­րե­լու ո­րո­շումն ար­դեն կա­յաց­վել է ա­մե­նա­բարձր մա­կար­դա­կով»:

Գ­լո­բա­լիս­տա­կան այս բո­լոր պնդում­նե­րի հան­րա­գու­մա­րում կա­րե­լի է նման տրա­մա­բա­նութ­յուն կար­դալ` Թ­րամ­փը պատ­րաստ­վում է Պու­տի­նի եւ Սիի հետ դա­րա­կազ­միկ ահն­դիպ­ման, եւ ներ­կա գոր­ծըն­թաց­ներն ըն­դա­մե­նը այդ «աշ­խար­հի մեծ վե­րա­բաշ­խու­մից» ա­ռաջ դիր­քե­րը հստա­կեց­նե­լու, ինչ-որ բա­ներ պո­կե­լու ի­մաս­տի մեջ պետք է նա­յել: Իսկ դա հա­վա­նա­կան սցե­նա­րի է նման­վում, երբ հաշ­վի ենք առ­նում, օ­րի­նակ, ԱՄՆ պաշտ­պա­նութ­յան նա­խա­րա­րի նախ­կին խորհր­դա­կան, գնդա­պետ, ռազ­մա­քա­ղա­քա­կան փոր­ձա­գետ Դուգ­լաս ՄակԳ­րե­գո­րի այն գնա­հա­տու­մը, որ ԱՄՆ հրթի­ռա­յին պա­շար­նե­րը կբա­վա­կա­նաց­նեն ութ օր­վա մար­տա­կան գոր­ծո­ղութ­յուն­նե­րի հա­մար. «Ա­մե­րի­կան պետք է դա­դա­րեց­նի զեն­քի մա­տա­կա­րա­րու­մը ար­տա­սահ­ման։ Շատ հու­սա­լի աղբ­յուր­ներ ինձ ա­սում են, որ մենք ու­նենք հար­ձա­կո­ղա­կան եւ պաշտ­պա­նա­կան հրթիռ­նե­րի այն­պի­սի քա­նակ, ո­րը կբա­վաա­րի մոտ 8 օր­վա հա­մար: Մենք կա­րող ենք ու­թօր­յա պա­տե­րազմ մղել, իսկ հե­տո ստիպ­ված կլի­նենք օգ­տա­գոր­ծել մի­ջու­կա­յին զենք»: Իսկ մի­ջու­կա­յին զենք օգ­տա­գոր­ծել աս­վածն այն երկ­սայր սուրն է, որն ան­խու­սա­փե­լիո­րեն մա­հա­ցու հար­ված է հասց­նում այն օգ­տա­գոր­ծող­նե­րին:

Ի­հար­կե, կա­րող է ՄակԳ­րե­գորն ինչ-որ բան շփո­թում է: Բայց փաստն այն է, որ հա­վա­քա­կան Ա­րեւ­մուտ­քի զի­նա­պա­շար­նե­րի խիստ կրճատ­ման մա­սին միայն այս փոր­ձա­գե­տը չէ, որ հայտ­նում է: Մին­չեւ իսկ ՆԱՏՕ-ից է խոս­տո­վա­նութ­յուն ե­ղել, որ թե­կու­զեւ ռուս­ներն այս պա­հին ար­տադ­րում են 3-4 ան­գամ ա­վել զի­նա­պա­շար, քան ողջ Եվ­րո­պան միա­սին վերց­րած: Մինչ­դեռ Ա­րեւ­մուտ­քի հիմ­նա­կան հա­կա­ռա­կոր­դը, չմո­ռա­նանք, որ ա­մեն դեպ­քում ե­ղել եւ մնում է Չի­նաս­տա­նը, ո­րը ներ­կա պա­հին ռազ­մա­կան արդ­յու­նա­բե­բե­րութ­յու­նը զար­գաց­նում է ի­րեն յու­րա­հա­տուկ տեմ­պե­րով: Իսկ նման ի­րա­վի­ճա­կում Թ­րամ­փի հա­մար ու­ղիղ բա­խու­մը Ռու­սաս­տա­նի հետ, երբ չկա­րո­ղա­ցավ ան­գամ Ի­րա­նի հար­ցը լու­ծել, ի­րոք մտա­ծե­լու հարց է: Այդ թվում՝ հա­րավ­կով­կաս­յան տի­րույ­թում եւ ան­կախ այն ռազ­մա­տեն­չութ­յու­նից, որ Նե­թան­յա­հուն կներշն­չի նրան: Հաշ­վի առ­նե­լով, որ դրա­նից հե­տո դեռ Չի­նաս­տա­նի խնդի­րը կա:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝