Կարապետ Պողոսյանը դիմել է Հայաստանի Հայ կաթողիկե Առաջնորդարանին եւ հայ կաթոլիկ համայնքին

Սիրելի քույրեր և եղբայրներ,

 

Հայ Առաքելական Սուրբ եկեղեցու նկատմամբ օրվա կառավարիչների հարձակումը բացարձակ կապ չունի դավանաբանական հարցերի կամ Աստծու հետ, այն բացարձակապես դրսի հրահանգ է(թուրքական), որի նպատակն է վերջնական քայքայել հայի ինքնության կարեւորագույն պատվարը, ինչը ինքներդ էլ լավ հասկանում եք։

 

ՀՀ տարածքում եւ սփյուռքում գործում է նաեւ Հայ կաթողիկէ եկեղեցին, այն համարվում է ՀԱԵ քույր եկեղեցի, սակայն ստեղծված իրավիճակում դեռեւս նկատվում է անտարբերություն քույր եկեղեցու եւ հայ հավատավորների նկատմամբ:

 

Հետեւաբար, հորդորս է բոլոր իմ կաթոլիկ ընկերներին, Հայ կաթողիկե եկեղեցու առաջնորդին, չցուցաբերել անտարբերություն եւ անհապաղ դրսեւորել գործնական աջակցություն, քանզի խնդիրը վերաբերում է ամբողջ հայությանը եւ Հայաստանի Հանրապետությանը, որտեղ եւ գործում եք Դուք։

Դարեր շարունակ Հայ Առաքելական եկեղեցին մշտապես սիրով եւ ջերմությամբ է վերաբերվել ձեզ, նպաստել նաեւ Ձեր խաղաղ գոյությանը, այս պահի Ձեր անտարբերությունը կարող է ապագայում առաջացնել տարընկալումներ եւ պատճառ դառնալ հայ ժողովրդի հերթական պառակտմանը։

 

Ոչ մի իշխանություն հավերժ չէ, այդ թվում ներկայիս կառավարիչները, իսկ ՀԱԵ եւ ՀԿԵ դարեր շարունակ կողք կողքի պայքարել են, ուստի՝ այժմ էլ ժամանակն է աջակցելու միմյանց, որպեսզի Քրիստոսի հավատքը զերծ պահվի հերթական թուրքական ոչնչացման ծրագրերից։

 

Հ.Գ - 1915֊ին միայն Հայ Առաքելական Եկեղեցու հոտը չկոտորվեց, պատմությունը ցավոք կրկնվում է, ուղղակի նոր ժամանակակից դրսեւորումներով», - գրել է գյումրեցի քաղաքական-հասարակական գործիչ ԿԱՐԱՊԵՏ ՊՈՂՈՍՅԱՆԸ: