Արագածոտնի մարզում «Opel»-ը բռնկվել է. 5 անչափահասներից 1-ը մահացել է, 4-ը՝ տեղափոխվել հիվանդանոց
Պատահար
Այսօր՝ հուլիսի 20-ին, խոշոր ու ողբերգական ավտովթար-հրդեհ է տեղի ունեցել Արագածոտնի մարզում։ Ժամը 15։30-ի սահմաններում Թաթուլ գյուղից դեպի Հացաշեն գյուղ տանող ավտոճանապարհի 9-րդ կմ հատվածում «Opel» մակնիշի ավտոմեքենան դուրս է եկել ճանապարհի երթևեկելի գոտուց, բախվել քարերին և բռնկվել։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով մեկ հոգի մահացած վիճակում տեղափոխվել է «Թալին» բժշկական կենտրոն։ Ավտոմեքենայում եղել են 5 անչափահասներ։ Մահացածին հիվանդանոց է տեղափոխել քաղաքացին՝ իր անձնական ավտոմեքենայով, սակայն ճանապարհին երեխան մահացել է։
4 հոգի էլ տեղափոխվել են «Թալին» բժշկական կենտրոն, որտեղ 3 հոգին անհրաժեշտ բուժօգնություն են ստացել, նրանց կյանքին վտանգ չի սպառնում, իսկ մեկ հոգի ըստ բժիշկների ունի վնասվածքներ և պետք է մնա իրենց հսկողության տակ։
Ոստիկանությունն ու քննչական բաժինը պարզում են ավտոմեքենայի սեփականատիրոջ, վարորդի, մահացածի և հիվանդանոց տեղափոխված 4 երեխաների ինքնությունը։
Բաժանորդագրվե՛ք https://t.me/iravunk
Հարսանիքի մասնակիցը մեքենայից կրակոցներ է արձակել. հայտնի է նրա ինքնությունը 
Դուրս է եկել լվացք փռելու ու հայտնվել է հարևանի տանը 
Կրկեսի» խաչմերուկում ուժեղ քամու հետևանքով հաստաբուն ծառը արմատից պոկվել և ամբողջությամբ փակել է ճանապարհը 
Երևանում՝ 67 համարի ավտոբուսում, տղամարդ է մահացել
Ոստիկաները Էջմիածնում կանխել են մի խումբ անձանց , այդ թվում՝ անչափահասների կողմից նախապատրատվող վրեժխնդրութունը 
1
7703 դիտում
2
5221 դիտում
3
1664 դիտում
4
1519 դիտում
5
1480 դիտում
1
31432 դիտում
2
19459 դիտում
3
11396 դիտում
4
11389 դիտում
5
8101 դիտում
3
17709 դիտում
