ԹՐԱՄՓԸ ՌՈՒՍԱՍՏԱՆԻ՞ ԴԵՄ «ՊԱՏԺԱՄԻՋՈՑՆԵՐ» ԿԻՐԱՌԵՑ, ԹԵ՝ ԵՎՐՈՊԱՅԻ

Ա­մեն դեպ­քում, ներ­կա­յիս հիմ­նա­կան գեր­հարցն է, թե ինչ է կա­տար­վում ռուս-ա­մե­րիկ­յան հար­թութ­յու­նում: Եվ այն, որ դրա­նից է կախ­ված նաեւ այն, թե ինչ վի­ճա­կում է հայտն­վե­լու Հա­յաս­տա­նը, միան­շա­նակ է (Տես նաեւ https://iravunk.com/?p=318267&l=am):

ԻՍԿ ԵՎՐՈՊԱՆ ՊԱՏՐԱ՞ՍՏ Է ՎՃԱՐԵԼ

Այս­պես, ի՞նչ «սար­սա­փե­լի պա­տիժ­նե­րի» են­թար­կեց Թ­րամ­փը Մոսկ­վա­յին: Նախ, տե­ղը տե­ղին ար­տա­հայտ­վե­լով Պու­տի­նից իր «հիաս­թա­փութ­յան» մա­սին, Թ­րամ­փը վերջ­նա­գիր ներ­կա­յաց­րեց՝ 50 օր­վա ըն­թաց­քում խա­ղա­ղութ­յուն կնքել Կի­եւի հետ, հա­կա­ռակ դեպ­քում ԱՄՆ-ն 100% պատ­ժա­մի­ջոց­ներ կկի­րա­ռի նախ՝ ա­մե­րիկ­յան շու­կա մտնող ռու­սա­կան ապ­րանք­նե­րի վրա: Ու հենց այս­տե­ղից էլ սկսվում է ողջ «աբ­սուր­դը». Ռու­սաս­տանն ԱՄՆ գործ­նա­կա­նում ո­չինչ չի ար­տա­հա­նում: Բա­ցա­ռութ­յամբ, ե­րե­ւի, տի­տա­նի, ու­րա­նի ու նման մի քա­նի բա­նե­րի, ո­րոնք հենց ԱՄՆ-ի հա­մար կեն­սա­կան նշա­նա­կութ­յուն ու­նեն: Ու ե­թե դրանց նկատ­մամբ ոչ թե 100, այլ 1000 տո­կոս մաքս սահ­մա­նեն, տու­ժողն ա­մե­րիկ­յան բյու­ջեն է լի­նե­լու: Թ­րամ­փը սպառ­նում է նաեւ 100 տո­կո­սա­նոց մաք­սա­տուր­քեր սահ­մա­նել ՌԴ-ի ա­ռեւտ­րա­յին գոր­ծըն­կեր­նե­րի հան­դեպ: Հիմ­նա­կան­ներն են՝ Չի­նաս­տա­նը եւ Հնդ­կաս­տա­նը: Դեռ միայն վեր­ջերս էր, որ Թ­րամ­փը չի­նա­ցի­նե­րի հետ բարձր մաք­սադ­րույք­նե­րի թե­մա­յով էր բախ­վում, ու վեր­ջում պարտ­վեց: Հի­մա ի՞նչ, նո­րից նման պա­տե­րա՞զմ է սկսե­լու. ան­լուրջ է:

Այս­քա­նից հե­տո Թ­րամ­փը նաեւ հայ­տա­րա­րեց, թե զենք է տա­լու Ուկ­րաի­նա­յին: Ան­մի­ջա­պես էլ բա­ցատ­րե­լով՝ Եվ­րո­պան կվճա­րի, զեն­քը կտանք, չի վճա­րի, չենք տա: Ան­մի­ջա­պես էլ դետա­լա­վո­րեց. թող Եվ­րո­պան իր «Պետ­րիոտ» հա­մա­կար­գե­րը տա Ուկ­րաի­նա­յին եւ հե­տո մե­զա­նից նո­րը գնի: Եվ­րո­պա­ցի­նե­րի ռեակ­ցիան մո­տա­վո­րա­պես սա էր՝ գժվե՞լ ես, ինչ է: Մեր ու­նե­ցա­ծը տանք, հե­տո տա­րի­նե­րով նո­րին սպա­սենք ու այդ ըն­թաց­քում մնանք լիո­վին ան­պաշտ­պա՞ն: Նույ­նը փո­ղի մա­սին է. կա­րո՞ղ է Եվ­րո­պան վճա­րել այն ծա­վա­լով զեն­քի հա­մար, որն Ուկ­րաի­նա­յին պետք է: Այ­սինքն, նախ­կի­նում ամ­բողջ ծա­վա­լի մոտ 70 տո­կո­սը ԱՄՆ-ի վրա էր, մնա­ցա­ծը՝ Եվ­րո­պա­յի, եւ վեր­ջինս մշտա­պես լաց էր լի­նում, թե փո­ղը չի հե­րի­քում: Ու հի­մա 100 տո­կո­սը Թ­րամ­փը դնում է Եվ­րո­պա­յի «վզին»: Ընդ ո­րում, դա Եվ­րո­պան վճա­րե­լու է ա­մե­րիկ­յան ռազ­մաարդ­յու­նա­բե­րա­կան հա­մա­լի­րը զար­գաց­նե­լու հա­մար ու սե­փա­կան ռազ­մա­կան արդ­յու­նա­բե­րութ­յան ար­գե­լակ­ման հաշ­վին: Եվ պարզ հարց. քա­նի՞ եվ­րո­պա­կան եր­կիր կո­րո­շի դուրս գալ ԵՄ-ից, որ այդ ա­վանտ­յու­րա­յի տակ չմնա:

Չ­նա­յած, այս ա­մե­նի խոր­քում բո­լո­րո­վին այլ հարց է դրված՝ հի­մա Թ­րամ­փի այս «պատ­ժա­մի­ջոց­նե­րը» ի­րա­կա­նում Ռու­սաս­տա­նի դե՞մ են ուղղ­ված, թե՝ Եվ­րո­պա­յի: Ընդ ո­րում` նա­եւ քա­ղա­քա­կան ի­մաս­տով: Այ­սինքն, ե­թե մինչ այս եվ­րա­լի­բե­րալ­ներն այն խաղն էին ա­ռաջ տա­նում, թե, տե­սեք, Թ­րամ­փը չի ու­զում օգ­նել Ուկ­րաի­նա­յին, այ­սինքն՝ ռուս­նե­րի հա­մար է աշ­խա­տում, ա­պա հի­մա պատ­կե­րը շուռ է գա­լիս: Թ­րամ­փը «օգ­նում» է, բայց Եվ­րո­պա­յի փո­ղով: Ու ե­թե Եվ­րո­պան չվճա­րի, հի­մա ար­դեն Թ­րամփն է մե­ղադ­րե­լու, թե այս ին­չո՞ւ եք Ուկ­րաի­նա­յին մե­նակ թող­նում:

ՄՈՍԿՎԱՆ ԴԵՌ 50 ՕՐ ԿՀԱՐՁԱԿՎԻ

Սա­կայն թրամփ­յան «պատ­ժա­մի­ջոց­նե­րին» ա­ռանձ­նա­հա­տուկ հմայք է տա­լիս դրանց «եզ­րա­փա­կիչ ա­րա­րը»: Այն է, ե­թե Եվ­րո­պան հենց այս պա­հին պետք է սկսի վճա­րել զեն­քի հա­մար, ա­պա ռուս­նե­րը կա­րող են 100 տո­կո­սա­նոց մաք­սա­տուր­քե­րին «բախ­վել» 50 օ­րից: Ա­վե­լի կոնկ­րետ՝ 50 օ­րից պետք է Ուկ­րաի­նա­յի հետ խա­ղա­ղութ­յուն հաս­տատ­վի: Ա­ռա­ջին հա­յաց­քից Կիե­ւը, ո­րին Թ­րամ­փը ո­րե­ւէ սպառ­նա­լիք չի ներ­կա­յաց­նում, պար­զա­պես կա­րող է մեր­ժել Մոսկ­վա­յի ցան­կա­ցած ա­ռա­ջարկ, 50 օ­րը կլրա­նա, Թ­րամ­փը կկի­րա­ռի պատ­ժա­մի­ջոց­նե­րը, եւ Ռու­սաս­տա­նը «ծնկի կգա»: Բայց, չնա­յած դրան, հա­զիվ էր Թ­րամփն իր հայ­տա­րա­րութ­յու­նը հնչեց­րել, որ Կիե­ւում միան­գա­մից աղ­մուկ բարձ­րա­ցավ, ո­րի ի­մաս­տը լիո­վին հաս­կա­նա­լի է:

Այ­սինքն, ե­թե 50 օր, ու­րեմն այդ ըն­թաց­քում ռուս­նե­րը կա­րող են հան­գիստ հար­ձակ­վել: Մեկ-եր­կու խո­շոր օ­պե­րա­ցիա, ո­րի հա­մար, կար­ծես թե, ու­ժեր կան, եւ մի­գու­ցե հնա­րա­վոր լի­նի ա­զա­տել ՌԴ կազ­մում նե­րառ­ված այն բո­լոր տա­րածք­նե­րը, ո­րոնք Զե­լենս­կին ոչ մի կերպ հանձ­նել չի կա­րող: Կամ գո­նե դրանց զգա­լի մա­սը, մնա­ցածն էլ փո­խա­նա­կե­լով ուկ­րաի­նա­կան այլ մար­զե­րում ռու­սա­կան վե­րահս­կո­ղութ­յան տակ գտնվող տա­րածք­նե­րի հետ: Այդ դեպ­քում, երբ ա­մե­նա­բարդ՝ տա­րած­քա­յին հար­ցը լուծ­ված կլի­նի, Զե­լենս­կուն խա­ղա­ղութ­յուն պար­տադ­րե­լը շատ ա­վե­լի ռեալ կդառ­նա: Ա­վե­լին, այդ 50 օ­րում ա­մե­րի­կա­ցի­նե­րը կա­րող են ոչ մի ռազ­մա­կան մա­տա­կա­րա­րում չա­նել. Եվ­րո­պան թող նախ վճա­րի: Եվ ե­թե ան­գամ հա­մա­ձայ­նվի վճա­րել, մեկ է, ԵՄ-ի ներ­կա­յիս ծան­րա­շարժ մե­քե­նան աշ­խա­տեց­նե­լու հա­մար շատ ժա­մա­նակ է պա­հան­ջե­լու՝ միայն նման ո­րո­շում ըն­դու­նե­լու հա­մար:

Ե­թե ան­գամ 50 օ­րում ռուս­նե­րին էա­կան ա­ռաջ­խա­ղա­ցում չհա­ջողվ­ի, ա­պա մեկ է, Թ­րամ­փը քա­նիցս ցույց է տվել, որ իր խոսքն ա­մե­նե­ւին էլ օ­րենք չէ. կա­րող է հան­գիստ եւս մի 50 օր սահ­մա­նել, դրա հա­մար պատ­ճա­ռա­բա­նութ­յուն գտնե­լը դժվար չէ:

Ի՞ՆՉ ԽԱՂ Է ԽԱՂՈՒՄ ԹՐԱՄՓԸ

Այս­պի­սով, կա՞ ե­րաշ­խիք, որ Թ­րամփն ա­մե­նայն լրջութ­յամբ, այլ ոչ թե Մոսկ­վա­յի հետ ինչ-որ պայ­մա­նա­վոր­վա­ծութ­յան արդ­յուն­քում է մտել Պու­տի­նից «նե­ղա­նա­լու» եւ այս «պատ­ժա­մի­ջո­ցա­յին» թե­մա­յի մեջ, ո­րը, կրկնենք, ա­վե­լի շուտ ու­նի եվ­րա­լի­բե­րալ­նե­րին հար­ված հասց­նե­լու տեսք. ի­հար­կե՝ ոչ:

Բայց, ի­հար­կե, պետք չէ բա­ցա­ռել նաեւ այն տար­բե­րա­կը, որ Թ­րամփն այս պատ­մութ­յան մեջ մտա­վ ոչ լիար­ժեք քա­ղա­քա­կան հաշ­վարկ­նե­րի հե­տե­ւան­քով: Այ­սինքն, կա­րող է նաեւ ռեալ լի­նել, որ Թ­րամ­փը դե­պի հա­կա­ռու­սա­կան ուղ­ղութ­յուն ստիպ­ված լի­նե­լով, գնաց նման տե­ղա­շար­ժի, բայց հաս­կա­նա­լով մին­չեւ վերջ գնա­լու հնա­րա­վոր հե­տե­ւանք­նե­րը, ո­րո­շեց սեղ­մել 50-օր­յա «պաու­զա­յի կո­ճա­կը»: Այն է՝ Թ­րամ­փի հա­մար ներ­կա հա­կա­ռու­սա­կան սրա­ցու­մը կա­րող էր անհ­րա­ժեշ­տութ­յուն լի­նել ներ­քին խնդիր­նե­րի պատ­ճա­ռով: Մի կող­մից, սա կա­րող էր շե­ղել ա­մե­րի­կա­ցի­նե­րի ու­շադ­րութ­յու­նը Էպշ­տեյ­նի ցու­ցակ­նե­րը հրա­պա­րա­կե­լուց նրա հրա­ժար­վե­լուց, ին­չը նրա շատ կողմ­նա­կից­նե­րի վե­րա­ծեց հա­կա­ռա­կորդ­նե­րի: Այ­սինքն, սկսվել է մի փուլ, երբ այս­պես կոչ­ված թրամ­փիզ­մը, այն է՝ գա­ղա­փար­նե­րը եւ թի­մը, ո­րի վրա հեն­վե­լով, նա ե­կավ իշ­խա­նութ­յան, հի­մա հենց Թ­րամ­փի դեմ է դուրս գա­լիս: Եվ «Էպշ­տեյ­նի դոս­յեն», ո­րը սկզբում նրա ծրագ­րի ա­մե­նա­կար­եւոր բա­ղադ­րիչ­նե­րից մեկն էր, չհրա­պա­րա­կե­լը միակ օ­րի­նա­կը չէ, որ Թ­րամ­փը, այն էլ՝ միան­գա­մայն ցի­նիկ ձե­ւե­րով, երբ «թռնում» է կան­խավ տված խոս­տում­նե­րից, այդ թվում՝ Ուկ­րաի­նա­յի, Ի­րա­նի ուղ­ղութ­յամբ խա­ղա­ղութ­յան հաս­տա­տե­լու մա­սին:

Կարճ ա­սած, որ­քան էլ պա­րա­դոք­սալ հնչի, ամ­բողջ թրամ­փիզ­մը այժմ Թ­րամ­փի դեմ է սկսում ուղ­ղորդ­վել՝ ֆիք­սե­լով նման կարճ ժա­մա­նա­կա­հատ­վա­ծում նրա ներ­քին քա­ղա­քա­կա­նութ­յան ձա­խող­ման փաս­տը: Այ­սինքն՝ սկզբուն­քո­րեն նա կա­րող էր ընտ­րել եր­կու լու­ծում­նե­րից մե­կը՝ կա´մ լից­քա­թա­փում, դեէս­կա­լա­ցիա եւ թ­րամ­փիզ­մի վրա իր ազ­դե­ցութ­յու­նը վե­րա­կանգ­նե­լու փորձ, կամ նա­խընտ­րա­կան խոս­տում­նե­րից եւ թի­մից լիա­կա­տար շե­ղում, ո­րի ա­մե­նա­ցայ­տուն օ­րի­նա­կը կդառ­նա ուկ­րաի­նա­կան ուղ­ղութ­յամբ բայ­դեն­յան կուր­սին վե­րա­դառ­նա­լը: Այս եր­կու ո­րո­շում­նե­րից ոչ մե­կը չկա­յաց­րեց՝ ա­մեն ինչ հե­տաձ­գե­լով 50 օ­րով:

Բայց ան­կախ նրա­նից, թե ինչ ի­րա­կան դրդա­պատ­ճառ­ներ ու­նի Թ­րամ­փը, ինչ կո­րո­շի նա 50 օ­րից, ներ­կա պա­հին ուկ­րաի­նա­կան ճա­կատ­նե­րում ռուս­նե­րի հար­ձա­կում­նե­րը նկա­տե­լիո­րեն ակ­տի­վա­ցել են: Իսկ դա, թե­րեւս, ա­ռա­ջին տար­բե­րա­կի մա­սին ակ­նար­կող փաստ է:

Տե´ս նաեւ https://t.me/iravunk/54689 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝