Ամերիկա-թուրքական նախաձեռնությունը Հայաստանի ինքնիշխանությունից զրկելու և այն թուրքական ազդեցության ոլորտում ընդգրկելու տրամաբանական շարունակությունն է.«Кавказарь»
Հասարակություն
«Զանգեզուրի միջանցքը» մասնավոր ընկերությանը փոխանցելու ամերիկա-թուրքական նախաձեռնությունը Հայաստանի ինքնիշխանությունից զրկելու և այն թուրքական ազդեցության ոլորտում ընդգրկելու տրամաբանական շարունակությունն է, գրում է «Кавказарь»-ի թելեգրամյան ալիքը։
Հայաստանի տարածքով հնարավոր տարանցումից ստացված եկամուտը կփոխանցվի այդ ամերիկյան ընկերությանը, ուստի հաղորդակցությունների ապաշրջափակման արդյունքում հայերի համար բացվող օգուտների մասին հայկական իշխանությունների ցանկացած պատմություն պարզապես հեքիաթներ են։ Շահող դուրս կգան ուրիշները։ Դա տարածաշրջանից Ռուսաստանին դուրս մղելու գինն է։
Հիշեցնենք, որ Թուրքիայում ԱՄՆ դեսպան Թոմ Բարաքը լրագրողներին հայտարարել էր, որ ԱՄՆ-ն առաջարկել է ստանձնել Հայաստանի և Ադրբեջանի միջև նախատեսված տրանսպորտային միջանցքի կառավարումը՝ երկու կովկասյան երկրների միջև դադարեցված դիվանագիտական բանակցությունները առաջ մղելու փորձով։
Չնայած Հայաստանը և Ադրբեջանը մարտին համաձայնության եկան խաղաղության համաձայնագրի նախագծի շուրջ, նախքան համաձայնագրի պաշտոնական ստորագրումը Բաքուն շարունակում է մի շարք լրացուցիչ պայմաններ թելադրել։
Ադրբեջանը պահանջում է, որ Երևանը փոփոխություններ մտցնի Սահմանադրության մեջ։ Հիմնական խոչընդոտներից մեկը մնում է այսպես կոչված «Զանգեզուրի միջանցքը», որը Հայաստանի տարածքով Ադրբեջանը կապելու է նրա էքսկլավ Նախիջևանի հետ։
Հայաստանը հրաժարվում է օգտագործել «Զանգեզուրի միջանցք» եզրույթը՝ պնդելով, որ այն անընդունելի հետևանքներ ունի Սյունիք անունով հայտնի ինքնիշխան հայկական տարածքի համար։
Ադրբեջանը պնդում է, որ միջանցքը չպետք է հանձնվի Հայաստանի լիակատար վերահսկողությանը։ Հայաստանը նույնպես կտրականապես դեմ է երթուղու վերահսկողությունը որևէ երրորդ կողմի փոխանցելուն։
32 կմ երկարությամբ միջանցքը դարձել է էական խոչընդոտ Հայաստանի և Ադրբեջանի միջև երկարատև խաղաղության հասնելու համար։
«Նրանք վիճում են 32 կիլոմետր ճանապարհի շուրջ, բայց դա մանրուք չէ», - նշել է Բարաքը։ Ըստ նրա՝ դա վաղուց է տեղի ունենում։
Ուկրաինայից Թուրքիա բեռներ տեղափոխող թուրքական նավը գրոհել է կամիկաձե անօդաչուն (Տեսանյութ) 
Բաքվի բարբարոսական վարչախմբի պարագլուխը փորձում է ցույց տալ, որ այլևս կարիք չունի Մոսկվայի «բարեհաճության»,այնուհետ՝ ուղերձ է Թուրքիային և Արևմուտքին, որ արհեստածին Ադրբեջանն այլևս դուրս է ռուսական ազդեցության ուղեծրից.իրանագետ 
Ում գրպանն է հոսում ոռոգման ջրի համար գանձվող տարեցտարի անգամներով բարձրացվող գումարները 
Պուտինը առաջարկել է Փաշինյանին քննարկել Հայաստանի սահմանները բացող նոր երթուղիների ստեղծումը 
Կցանկանայի շնորհակալություն հայտնել Ձեզ Հայաստանի և Ադրբեջանի միջև խաղաղության գործընթացին Ձեր աջակցության համար.Փաշինյան 
1
25725 դիտում
2
3860 դիտում
3
2323 դիտում
4
2175 դիտում
5
2022 դիտում
1
42074 դիտում
3
8977 դիտում
4
8133 դիտում
5
5104 դիտում
3
18177 դիտում
4
10537 դիտում
5
9925 դիտում
