Դատավորն էլ մարդ է եւ եթե գնացել է այդ քայլին, նշանակում է ունեցել է լուրջ պատճառ. Աղմկահարույց գործերով հայտնի փաստաբանը աղմուկ հանած դեպքի մասին

Օրեր առաջ դատարանը կալանավորեց  երեք անչափահաս երեխաների մորը։ Որքանո՞վ էր իրավաչափ կայացված որոշումը հետաքրքրվել ենք աղմկահարույց գործերով հայտնի իրավապաշտպան, բազում նախադեպային վճիռների հասած եզակի պրոֆեսիոնալ փաստաբան Լեվոն Բաղդասարյանից, ով նկատեց.
_Երբ առկա են կալանավորման հիմքերը, օրենսդիրը չի կաշկանդում դատարանին,  պայմանավորված անձի սեռով։ Դատարանը կարող է կաշկանդված լինել, երբ կալանավորվող անձը հղի է , կամ կրծքով կերակրող  բալիկ ունի, կամ առողջության հետ կապված լուրջ խնդիրներ ունի,որոնք հակացուցված են ' լինելու կալանավայրում։
 Ձեր նշած անձի հետ կապված,ըստ մամուլի,եղել է  այլ խափանման միջոց,դատաևանն այն փոխել է ծայրահեղ միջոցի' կալանքի։
 Արձանագրում եմ,որ չի կարելի առանց  փաստական և իրավական հանգամանքները գնահատելու  ' մեղադրել դատարանին։ Հաշվի առնելով գործի հրապարակայնացումը, արդաևադատության շահը'դատարանն ունի պարտավորություն կարճ հաղորդագրություն տարածել ' նշելով խափանման միջոցը փոխելու դատարանի պարտավորությունը,որը պետք է լինի ավելի քան հիմնավոր։Տանում են կնոջը ծայրահեղ միջոց,կալանքի,ով ունի ութ ամսական բալիկ։ Այստեղ կարևորում եմ նաև այդ կնոջ փաստաբանի հրապարակային խոսքը։ Ցանկալի է ոչ միայն արձանագրել փաստը,այլ նաև  ներկայացնել խափանման միջոցի փոփոխման պատճառն ու իրավական գնահատականը։
_Պարոն Բաղդասարյան, կալանավորում են երեք անչափահաս երեխաների մորը, Մարդու իրավունքների պաշտպանը ոչ մի պաշտոնական հայտարարություն չի անում։
_Միպ-ը չունի լիազորություն դատարանի ոիոշման դեմ կամ կողմ խոսելու։ Եթե առկա են խոշտանգման փաստեր ,դրա վերաբերյալ  կարող է բարձրաձայնել, կամ իր լիազորությունների շրջանակում  վարույթ հարուցել։
 -Պարոն Բաղդասարյան, ի դեպ, ԱԺ ի որոշ պատգամավորներ ցանկանում են երաշպավորությամբ հանդես գալ։
- Դա նրանց իրավունքն է ,որը դատարանի համար ոչ մի պարտավորություն չի կարող ստեղծել։ Գիտեք, դատավորը  մարդ է ։ Եթե վերջինս գնացել է այդ քայլին, նշանակում է ունեցել է լուրջ պատճառ, մասնավորապես ,առկա է վարքագծի կտրուկ փոփոխություն, եթե ոչ ,ապա  վաղը կունենա իրավական հարթակում, ինչպես ներպետական, այնպես էլ' միջազգային,լրջագույն խնդիրներ։
 Այնուամենայնւվ, հարկավոր է իմանալ, Դատական իշխանության տերը, արդարադատություն իրականացնողը դատարանն է։ Անհրաժեշտ է պարտադրել դատավորին ' դատել  օրենքով,լինել անաչառ, միևնույն ժամանակ անհրաժեշտ է  մշակույթ ձևավորել ու դատարանում լինել օրինապաշտ,դատարանի որոշումներն ընդունել որպես հրաման,պարտադրանք,իսկ դատավորն էլ ունի  պարտավորություն լինելու արդարադատ և հիշելու,որ արդարադատություն իրականացնելիս անձնական ամբիցիան իր համար մեկ թշնամին է։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝