Չինացին դագաղ է գնել մոր համար և հուղարկավորություն է կազմակերպել՝ նրա կյանքը երկարացնելու ցանկությամբ (Ֆոտո)

Մի չինացի տղամարդ դագաղ է գնել իր տարեց մոր համար՝ հավատալով, որ դա կօգնի նրան ավելի երկար ապրել: Նա նաև վարձել է 16 տղամարդու, որոնք նրա հետ միասին կազմակերպել են մոր հուղարկավորության արարողությունը. կինը նստել է գնված դագաղում՝ ձեռքին հովհար, տղամարդկանցից մի քանիսը տարել են դագաղը, մի քանիսը քայլել կողքից: Երաժիշտներ՝ փոքր փողային նվագախումբ, քայլում էր դագաղի ետևից: Արարողությունն անցել է քաղաքի մի մասով, որից հետո դագաղը չինացի կնոջ հետ տարվել է նրա տուն:

Չինաստանի որոշ շրջաններում պահպանվում է հին ժողովրդական համոզմունք, ըստ որի՝ դագաղ գնելը, ենթադրաբար, օգնում է երկարացնել տարեց հարազատների կյանքը: Նման ծեսերը դեռևս կիրառվում են Չինաստանում՝ որպես տարեց ընտանիքի անդամների նկատմամբ հարգանք ցուցաբերելու և նրանց բարեկեցության մասին հոգ տանելու միջոց: Տեղական սոցիալական ցանցերում տարածվել է փայտե դագաղի մեջ նստած կնոջ և նրա կողքին կանգնած և ուրախացող որդու կադրերը:

Ինտերնետը բաժանվել է. որոշ օգտատերեր հավանություն են տվել սիրո այս դրսևորմանը, մինչդեռ մյուսները քննադատել են տղամարդու գործողությունները՝ նրա վարքագիծը անվանելով չափազանց էքսցենտրիկ և վախեցնող: Ամեն դեպքում, դա տեղական ավանդույթ է, որը երեւի միայն տեղացիները կհասկանան:

Տես նաեւ https://t.me/iravunk/54491 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝