Արամ Զավենիչը տեղյա՞կ է, որ իր կուսակիցն իր ընտանեկան ողբերգությունը ներկայացնում է կեղծիքով

Նիկոլ Փաշինյանի «Հայկական ժամանակ» թերթն այդպես էլ չհաղթահարեց դեղին մամուլից անցում կատարելն ավելի լուրջ հարթակի։

Այսպես՝ նրանք հարցազրույցներ են կազմակերպում այնպիսի անձանց հետ, ովքեր, անաչառ եւ օբյեկտիվ խոսքը թողած, տարածում են միայն բամբասանք, չարախոսություն, վիրավորանք ու զրպարտանք։ Հարկ չենք համարում ամենքին անդրադարձ կատարել, բայց երեկվա եթերը իսկական խայտառակություների մեջ ամենից աննախադեպն էր։

Նրանք եթեր են հրավիրում «Հանրապետություն» կուսակցության անդամ, Երեւանի ավագանու համանուն խմբակցության ղեկավար ԱՆԻ ԽԱՉԱՏՐՅԱՆԻՆ: Այս կինը՝ զինված ստերի մեծ պաշարով, հանուն զրպարտանքի նաեւ ստեց այն հանգամանքը, որ հոկտեմբերի 27-ի ոճրագործության մասին Հայոց նորընտիր Հայրապետն իմացել է 4 ժամ առաջ։ Բացի նրանից, որ վկայող բազմաթիվ տեսանյութեր կան, որտեղ Հայոց նորընտիր կաթողիկոսն իր անդրանիկ ելույթի ժամանակ մի փոքրիկ թղթով ծանուցվում է ահասարսուռ ոճրագործության մասին եւ անակնկալի գալով, վշտացած հայցքով հայտնում է ներկաներին, ոչ մի տրամաբանություն չկա պատկերացնելու, թե ինչպես կարող էր ընտրության ժամանակ նման լուրի մասին տեղեկանալ Հայոց Հայրապետը, դա պարզապես ֆիզիկապես անիրագործելի էր։

Ցավոք, այս տիկնոջ ելույթներով նաեւ կիսվում են «Հանրապետություն» կուսակցության պաշտոնական էջով։ Արդյոք հիմնազուրկ այս «բացահայտումը» կիսում է ինքը՝ կուսակցության նախագահ Արամ Զավենիչը, թե անգամ չի էլ հասցրել դիտել իր ըտանեկան ողբերգության շարահույսված այս կեղծիքը։ Ամեն դեպքում, մեզ մնում է արձանագրել, որ «Հայկական ժամանակ»-ը բամբասող թերթից վերածվում է չարալեզու պարբերականի։

Ի պատասխան տիկին Խաչատրյանի՝ նշենք նաեւ, որ՝ այո, եկեղեցին ունի «բիզնես»․ դրանք են մի քանի բարեգործական ճաշարանները, որտեղ ամեն օր սնվում են հարյուրավոր անտուն եւ անօթեւան տարեցներ ու խնամքի կարոտ հայորդիներ, «Քյուրքչյան» եւ «Նագաշյան» մանուկների խնամքի կենտրոնները, որտեղ խնամք է տարվում սոցիալապես անապահով եւ ծնողազուրկ երեխաների, Հայորդյաց տները, որտեղ տասնամյակներ շարունակ ազգային եւ քրիստոնեական ոգով կրթվում, դաստիարակվում եւ արհեստների են տիրապետում հազարավոր երեխաներ, սոցիալական ու կրթադաստիարակչական բազմաթիվ իրագործված ծրագրերը, վերջին տասնամյակներում կառուցված եւ վերանորոգված հարյուրավոր եկեղեցիներ եւ այլն։

Ինչ վերաբերում է Վեհափառ Հայրապետի մուտքի իբր արգելքին, ապա իմացեք, որ այդպիսի երկիր կա, եւ դա ցեղասպան Թուրքիան է, իսկ 2017 թվականի հոկտեմբերի 17-ին կաթողիկոսը 5-օրյա այցով մեկնել է Բեռլին։

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝