64 000 դրամից և կարող են հասնել մինչև 825 000 դրամ.Ինչ արժե հանգիստը Հայաստանում

Ինչպես և կանխատեսելի էր, ամառը սպասվածից էլ թեժ է։ Իսկ դրա դեմ պայքարի լավագույն տարբերակը հանգիստն է, աշխատանքային բուռն տարին եզրափակելն ու հոգսերից առժամանակ կտրվելը։ Ու քանի դեռ մենք պլանավորում ենք՝ որտեղ անցկացնել տարվա ամենասպասված մեկ կամ երկու շաբաթները, տուրիստական գործակալությունները շտապում են առաջարկել գրպանի համար ամենաանհարհարմար տարբերակները։ Հայաստանում հանգստանալը դարձել է թանկ հաճույք, մարդիկ նախընտրում են իրենց ամառային հանգիստը վայելել ծովափնյա երկրներում, քան հանրապետության տարածքում։

Մարդիկ նախընտրում են մատչելի տարբերակներ և փորձում են իրենց հանգիստը կազմակերպել իրենց գրպանին հասանելի տարբերակով: Այս տարվա ամառային սեզոնին 5 օրյա հանգստի արժեքները Դիլիջանում սկսվում են 64 000 դրամից և կարող են հասնել մինչև 825 000 դրամ՝ կախված ընտրած հյուրանոցից, սենյակի հարմարություններից և ծառայությունների ցանկից։

Մասնավորապես՝

Lux Villa & Pool Dilijan-ում 6 օր հանգստի արժեքը կազմում է 825 000 դրամ,
Ani Forest Hills Hotel and Resort-ում՝ 310 000 դրամ,
Կիրովի տուն հյուրանոցում՝ 175 000 դրամ,
 Dilijan Park Resort & Villas-ում՝ 120 000 դրամ,
Hover Boutique Hotel-ում՝ 425 000 դրամ,
Dilijani Tun Hotel & Restaurant-ում՝ 396 000 դրամ,
Aurora Luxe-ում՝ 306 000 դրամ,
DiliJazz Hotel & Restaurant-ում՝ 467 500 դրամ,

 Paloma Bed and Breakfast-ում՝ 89 280 դրամ,
 Talda Guest House-ում՝ 64 000 դրամ։

Հյուրանոցների մի մասը առաջարկում է համալիր փաթեթներ՝ ներառյալ սնունդ և այլ հարմարություններ, իսկ որոշներն էլ ներկայացնում են միայն գիշերակացի արժեքը։ Այս պատճառով գների տարբերությունները հաճախ պայմանավորված են ոչ միայն սենյակի դասով, այլ նաև սպասարկման ու պայմանների համալիրով։

Դիլիջանը շարունակում է մնալ սիրելի ուղղություն բոլոր նրանց համար, ովքեր փնտրում են բնության խաղաղությունն ու լեռնային օդի թարմությունը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝