«ԱՅՍ ՄԱՐՏԱՐՎԵՍՏԻ ՍԿԶԲՈՒՆՔԸ ԱՅՆ Է, ԵՐԲ ԹՈՒՅԼԸ ԿԱՐՈՂ Է ՀԱՋՈՂՈՒԹՅԱՄԲ ՊԱՇՏՊԱՆՎԵԼ ԱՎԵԼԻ ՈՒԺԵՂԻՑ». ԲՐԱԶԻԼԱԿԱՆ ՋԻՈՒ - ՋԻԹՍՈՒԻ ԵՎ ԳՐԵՓԼԻՆԳԻ ՄԱՐԶԻՉ ԿՈՍՏՅԱ ՂԱՐԻԲՅԱՆ

Հուլիսի 5-ին Երևանում կայացել է Բրազիլական ջիու - ջիթսուի AJP Armenia National Jiu - Jitsu մրցաշարը Gi և No gi ձևաչափերով։ Iravunk. com -ի մարզական լրագրողը զրուցել է Բրազիլական ջիու - ջիթսուի և Գրեփլինգի մարզիչ ԿՈՍՏՅԱ ՂԱՐԻԲՅԱՆԻ հետ։ Նա այսպես մեկնաբանեց.

- Այս մրցաշարին մասնակցում էին բազմաթիվ մարզիկներ Վրաստանից, Իրանից և այլ երկրներից. բոլոր երկրների մասնակիցների թիվը 300 էր։ Իմ սաներից Աշոտ Ավագյանը նվաճեց ոսկե, իսկ Դավիթ Ղազարյանը արծաթե մեդալ։

- Այս մարզաձևը մեր երկրում ինչպիսի տարածվածություն ունի։

- Մարզաձևը Հայաստանում սկսել է զարգանալ վերջին տարիներին, մարզերում ևս կան մասնաճյուղեր։ Ծնողներին ուզում եմ հորդորել, կոչ անել, որ տանեն պարապմունքների իրենց երեխաներին, կապ չունի, թե որ մարզաձևով կպարապեն, որպեսզի առողջ, ուժեղ սերունդ մեծանան, կյանքում սովորեն պայքարել։ Ոչինչ հեշտ չի տրվում այս կյանքում, թող պայքարեն ու անպայման կհասնեն հաջողության, լինեն կարգապահ։

- Պարոն Ղարիբյան, իսկ պետական աջակցություն ստանո՞ւմ եք արդյոք։

- Այս մարզաձևը բրազիլական ջիու ֊ջիթսուն, քանի որ Օլիմպիական չէ, որևէ պետական աջակցություն չենք ստանում, ամբողջը մեր ֆեդերացիան է իրականացնում։

- Հետաքրքիր է, թե ինչ է իրենից ներկայացնում այս մարզաձևը։

- Այս մարտարվեստի սկզբունքը այն է, երբ թույլ մարզավիճակում գտնվող անձը կարող է հաջողությամբ պաշտպանվել ավելի ուժեղ, լավ մարզավիճակում գտնվող անձից օգտագործելով ճիշտ տեխնիկա։ Բրազիլական ջիու ֊ջիթսուն կարելի է սովորել տարբեր նպատակներով ինքնապաշտպանության, ուղղակի սպորտով զբաղվելու, մրցաշարերի և խառը ըմբշամարտերում մասնակցություն ունենալու համար։

- Շնորհակալություն, մեզ ժամանակ տրամադրելու համար։

- Ես էլ եմ շնորհակալ, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝