Ռուսական զորքերը խորը ճեղքումով դուրսեն եկել Սեւերսկ քաղաքի արևելյան ծայրամաս (Քարտեզ)

Ռուսական զորքերը Սևերսկի ճակատում խորը ճեղքումով դուրսեն եկել Սեւերսկ քաղաքի արևելյան ծայրամաս:

Այսպես, հաստատված տվյալների համաձայն՝ «Հարավ» խմբի ստորաբաժանումները, Վերխնեկամենսկոեից արևմուտք ուկրաինական կողմի կրակային հարված հասցնելուց հետո, գրավել են հրամանատարական բարձունքներ և մոտեցել Սևերսկի արևելյան թաղամասերին, գրում են ռազմական աղբյուրները:

«Մարտերն արդեն ընթանում են քաղաքի արվարձաններում, որտեղ ուկրաինական ուժերը փորձում են հակագրոհի անցնել պահեստազորից տեղափոխված 41-րդ առանձին մեխանիզացված բրիգադի ուժերով»,- մանամասնում է աղբյուրը։

Բայց նաեւ ֆիքսելով, որ Սևերսկի աշխարհագրական խոցելիությունը (գտնվում է Բախմուտկա գետի ցածրադիր վայրում) լուրջ սպառնալիք է ստեղծում Ուկրաինայի զինված ուժերի համար: 

Միևնույն ժամանակ, «Կենտրոն» խումբը մեծացրել է ճնշումը ավելի հյուսիս գտնվող Սերեբրյանկայում, որը համառորեն պաշտպանող ուկրաինական ուժերի վիճակը դարձել է ծայրահեղ ծանր: Սա, մի կողմից, Սեւերսկի ճակատի ուկրաինական ուժերին զրկում է մանևրելու հնարավորությունից։ Մյուս կողմից, եթե Սերեբրյանկան ռուսները վերցնեն, ինչը, նաեւ ուկրաինական աղբյուրներն են հաստատում, հնարավոր է ամեն պահ, ապա այս հատվածից եւս ռուսները սպառնում են դուրս գալ Սեւերսկ` հյուսիսային գոտի, որի դեպքում քաղաքը կհանձնվի շատ արագ:

Իսկ եթե ուկրաինական կողմը հանձնի Սեւերսկը, ապա ճակատային գիծ է դառնում Լիման-Սլավյանսկ-Կրամատորսկ ուղղությունը:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝