6 ՏԱՐԻ ԱՌԱՆՑ ԱՆՎԱՆԻ ԾԱՆՐԱՄԱՐՏԻԿ ԱՂԱՍԻ ԱՂԱՍՅԱՆԻ

Այսօր, հուլիսի 8-ը, անվանի ծանրամարտիկ, ծանրամարտի Համաշխարհային ուսանողական խաղերի երիտասարդների Եվրոպայի չեմպիոն, Հայաստանի բազմակի չեմպիոն ԱՂԱՍԻ ԿՈՐՅՈՒՆԻ ԱՂԱՍՅԱՆԻ հիշատակի օրն է, ուղիղ 6 տարի է անցել։

Աղասին մանկության տարիներից սկսել է զբաղվել ծանրամարտով։ Առաջին լուրջ նվաճումը եղել է 2010 թվականի հուլիսին, երբ նա մասնակցեց ծանրամարտի Աշխարհի երկրորդ ուսանողական առաջնությանը ու դարձավ չեմպիոն։ Նույն թվականին դարձել է Եվրոպայի երիտասարդների մինչև 23 տարեկանների փոխչեմպիոն։ 2011-ին, Աղասին դարձել է Համաշխարհային ուսանողական խաղերի չեմպիոն։ Ցավոք, 6 տարի առաջ, 2019 թվականի հուլիսի 8-ին, հուլիսի 5-ին տեղի ունեցած ողբերգական ավտովթարի պատճառով, կյանքից անժամանակ հեռացավ անվանի մարզիկը։ Այսօր, նրա շիրիմին են այցելել հարազատներ, ընկերներ, ծաղիկներ խոնարհել ու խնկարկել։ Աղասիի այրին ԱՐՄԻՆԵ ԳԱԲՐԻԵԼՅԱՆԸ, Iravunk. com -ի մարզական լրագրողի հետ զրույցում խորը ցավը սրտում նշեց.

Շատ դժվար է առանց Աղասիի, սակայն պարտավոր ենք ուժ ու տոկունություն գտնել, մեծացնել մեր երկու զավակներին, հասցնել իրենց նպատակներին։ Որդուս անունը ևս Աղասի է, նա էլ ծանրամարտով է զբաղվում։ Շատ է սիրում, շատ մեծ հաճույքով է գնում պարապելու նույն մարզչի Երվանդ Կիրակոսյանի մոտ, Երևանի Օլիմպիական պետական, մարզական քոլեջում։ Իսկ դուստրս Լիաս, երգում է, պարում, նկարում։ Աղասի Աղասյանը, հայկական սպորտի ամենասկզբունքային, ուժեղ և արժանապատիվ մարզիկներից էր։ Նրա ոչ միայն սպորտային, այլև մարդկային որակները, օրինակ պիտի ծառայեն մեր հայրենակից մարզիկների համար։ Աստված հոգիդ լուսավորի, եղբայր...

ՀՈՎՀԱՆՆԵՍ ՍԱՐԳՍՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝