Մեզ սպասում են շատ հետաքրքիր եւ կարեւոր իրադարձություններ. Բալասանյան

«Իրանում նախագահի փոփոխությունն անխուսափելի է։ Իրան-Իսրայել պատերազմի ժամանակ ազերիներն անթաքույց օգնում են հրեաներին, իսկ Իրանի նախագահը գնում է օկուպացված Ստեփանակերտ։ Դա դեռ բավարար չի, ականջները կախ լսում Հեյդարովիչի ցնդաբանությունները, թե բա հայերը ոչնչացնում էին Շուշիի մզկիթները, մենք հոգուն վրա հասանք։ Էս մեր բժիշկն էլ չի ասում այ անասուն, բա որ հայերը ոչնչացնում էին, իմ երկրի կառավարությունը ինչի էր ժամանակին հայկական կողմին շնորհակալ մզկիթները վերականգնելու համար: Ու էն մարդու հիմնադրամի միջոցներով, ում դու Բաքվում իբր դատում ես։

Ու էտ նույն ժամանակ Իսլամական հեղափոխության պահապանների կորպուսը երեկ ցուցադրում է ՌԵԲ միջոցներով ադրբեջանա-իրանական սահմանից մի քանի կիլոմետր հեռու իջեցրած ԱԹՍ-ն՝ հստակ նշելով, որ այն թռել է Ադրբեջանի տարածքից։ Բարեփոխիչների-պահպանողականների լուռ հակամարտության արդյունքում Իրանը կորցրեց Սիրիան, ըստ էության կորցրեց Հեզբոլլան, զգալի թուլացվեց ԻՀՊԿ-ը՝ նրա գործառույթների մի մասը հանձնելով Իրանի պաշտպանության նախարարությանը։ Մոտ ժամանակներում մեզ սպասում են շատ հետաքրքիր և կարևոր իրադարձություններ Իրանի ներքաղաքական կյանքում և դրանցից կարևորն անկասկած լինելու է լիբերալներին քաղաքական դաշտից վտարելը», - գրել է ԵՊՀ միջազգային հարաբերությունների եւ դիվանագիտության ամբիոնի դոցենտ, միջազգայնագետ ԳՐԻԳՈՐ ԲԱԼԱՍԱՆՅԱՆԸ։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝