Նիկոլի՛ դեմ գործ հարուցեք, ծառայեք օրենքի՛ն. Ալլա Հակոբյան

Այսօր ՀՀ ԱԺ-ում այդ դժբախտ աչքերով տիկնոջ ելույթը ինձ հիշեցրեց Ն.Ի. Եժովին, ով հայտնի «тройка»-ների հեղինակն է: Երիտասարդ սերնդին հիշեցնեմ, որ 1937 թվականի օգոստոսին Նիկոլայ Իվանովիչ Եժովի գլխավորությամբ «հակասովետական տարրերի» հանդեպ ռեպրեսիվ գործողություններ իրականացնելու միտումով ստեղծվել են «ԽՍՀՄ ՆԿՎԴ եռյակները», որոնք բաղկացած էին ԵՐԵՔ ԱՆՁԻՑ՝ ՆԿՎԴ տարածաշրջանային ՎԱՐՉՈՒԹՅԱՆ ՊԵՏԻՑ, Համամիութենական կոմունիստական կուսակցության (ԲՈԼՇԵՎԻԿՆԵՐԻ) շրջանային կոմիտեի ՔԱՐՏՈՒՂԱՐԻՑ եւ ԴԱՏԱԽԱԶԻՑ: Այդ «եռյակ»-ները` «тройка»-ները, որոնք գործել են մինչեւ 1938 թվականի նոյեմբերը, փաստացի եղել են ՎԱՐՉԱԿԱՆ (ԱՐՏԱԴԱՏԱԿԱՆ) ԲՌՆԱՃՆՇՈՒՄՆԵՐԻ մարմիններ ԽՍՀՄ ՆԿՎԴ-ի հանրապետական, մարզային եւ շրջանային բաժիններում։

 

Ակամա, ցանկություն է առաջանում համեմատել այդ «тройка»-ները այսօրվա Հայաստանի Հանրապետության «իշխանավորների» հետ, փոխելով «հակասովետական տարրեր» բառակապակցությունը «հականիկոլական» տերմինով: Այսօր բոլոր ՀԱՅԵՐԸ, բոլոր ՀԱՅՐԵՆԱՍԵՐՆԵՐԸ եւ Հայ Առաքելական Եկեղեցու հետեւորդները, ովքեր ՉԵՆ ԿԻՍՈՒՄ Նիկոլի ԿԱՐԾԻՔԸ, ավտոմատ կերպով դառնում են այս եզրույթի կրողներ, ՀԱՅՏԱՐԱՐՎՈՒՄ են տեռորիստներ եւ ԿԱԼԱՆԱՎՈՐՎՈՒՄ են։

 

Զուգահեռը Հայաստանի Հանրապետությունում վարչապետի պաշտոնը զբաղեցնող Նիկոլի եւ 1937 թվականին ՆԿՎԴ-ի տարածաշրջանային բաժինների ղեկավարների միջեւ` ակնհայտ է: Նաեւ ակնհայտ է զուգահեռը այսօր Հայաստանի Հանրապետությունում գործող «Քաղաքացիական պայմանագիր» եւ եկեղեցուն ու հոգեւորականությանը հալածող բոլշեւիկյան կուսակցության միջեւ։ Հենց ՆԿՎԴ-ի գործակալները 1938 թվականին խեղդամահ արեցին Ամենայն Հայոց Կաթողիկոս Խորեն Մուրադբեկյանին։

 

Եվ վերջապես, այսօր ՀՀ Ազգային ժողովում ելույթ ունեցող դատախազին ակամա համեմատում ես «եռյակի» հեղինակ Ն.Ի. Եժովի հետ։ ՀՀ դատախազն ունի իրավաբանական կրթություն եւ, անկասկած, չի կարող չիմանալ Եժովի բռնաճնշումների մասին։ Բայց, այնուամենայնիվ, հիշեցնեմ, եւ ոչ միայն դատախազին, այլեւ ԲՈԼՈՐ նրանց, ովքեր ԾԱՌԱՅՈՒՄ են ՈՉ ԹԵ ՀՀ-ին, այլ եռանդուն կերպով ՍՊԱՍԱՐԿԵԼՈՎ Նիկոլ Փաշինյանին, կատարում են նրա քմահաճույքները, որ ԿՈՒՍԱԿՑԱԿԱՆ եւ ՊԵՏԱԿԱՆ գործիչ, ՊԵՏԱԿԱՆ ԱՆՎՏԱՆԳՈՒԹՅԱՆ ԳԼԽԱՎՈՐ ԿՈՄԻՍԱՐ Ն. Ի. Եժովն ապրել է ընդամենը 45 տարի։ Նա գնդակահարվեց Մոսկվայի հենց ВКВС-ի նկուղում:

 

Մտածեք ձեր ապագայի մասին։ Դադարե՛ք ՍՊԱՍԱՐԿԵԼ անօրենությունների աղբյուր հանդիսացող Նիկոլին եւ նրա գործած անօրենությունների հիման վրա հենց Նիկոլի՛ դեմ գործ հարուցեք: Ծառայեք ՕՐԵՆՔԻ՛Ն: