«Սահմանադրական Իրավունք Միություն» կուսակցությունը խստիվ դատապարտում է Հայաստանի ապօրինի վարչակազմի սահմանադրախախտ ու թրքաբարո հարձակումները Հայ Առաքելական եկեղեցու դեմ

ՀԱՅՏԱՐԱՐՈՒԹՅՈՒՆ

«Սահմանադրական Իրավունք Միություն» կուսակցությունը խստիվ դատապարտում է Հայաստանի ապօրինի վարչակազմի սահմանադրախախտ ու թրքաբարո  հարձակումները Հայ Առաքելական եկեղեցու, նրա սպասավորների, հայ ժողովրդի ինքնության, կրոնական զգացմունքների եւ արժանապատվության դեմ:

Սա ոչ այլ ինչ է, քան ապօրինի իշխանությունների կողմից իրենց դավաճանական գործունեության հերթական արարը, որը նպատակ ունի ոչնչացնել  Հայաստանի Հանրապետությունը, մեր տարածքային ամբողջականությունը, ինքնիշխանությունը` հօգուտ թուրք-ադրբեջանական միության եւ նրանց հետեւում կանգնած գլոբալիստական շրջանակներին:

Ակնհայտ է, որ Հայաստանում իշխանությունը զավթելուց անմիջապես հետո եւ մինչ օրս շարունակվող ապօրինի վարչակազմի հակաեկեղեցական գործողությունները թելադրված են Հայաստանի թշնամիների կողմից, նպատակ ունեն հերթական անգամ պառակտել, թուլացնել հայ ժողովրդի դիմադրողականությունը եւ երկիրը հանձնել զավթիչների քմահաճույքին:

ՍԻՄ կուսակցությունը կոչ է անում ողջ հայ ժողովրդին միավորվել եկեղեցու շուրջ, պաշտպանել մեր հավատքը, կասեցնել թուրքական դրածոների նկրտումները հայոց պետականության ու ազգի դեմ, վերականգնել երկրում խախտված ու ոտնահարված սահմանադրական կարգը:

ՍԻՄ կուսակցությունը կոչ է անում բոլոր ընդդիմադիր պատգամավորներին, ինչպես նաեւ այն պատգամավորներին, ովքեր իրենց համարում են  հայ քրիստոնեա նախաձեռնել ապօրինաբար վարչապետի աթոռը զբաղեցնող Նիկոլ Փաշինյանի իմպիչմենտի գործընթացը: Միաժամանակ կոչ ենք անում բոլոր ընդդիմադիր քաղաքական ուժերին, անկախ նրանց ծրագրային ու քաղաքական հայացքների, միավորվել մեկ նպատակով` օրինական ճանապարհով երկրում սահմանադրական կարգը վերականգնելու համար:

Վերջին անգամ ազգին սպառնացող աղետի վերաբերյալ Էջմիածնի զանգերը հնչել են 107 տարի առաջ` Սարդարապատի ճակատամարտի պահին: Այդ ժամանակ ազգը միավորվել է առանց տարբերություն դնելու նախկինների ու ներկաների, բոլշեւիկների ու դաշնակցականների, հարուստների եւ աղքատների...

Այմժ Էջմիածնի զանգերը կրկին ղողանջում են…

27.06.2025թ.

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝