ԱԱԱ.«Ինտերը» հաղթեց և դուրս եկավ 1/8 եզրափակիչ (տեսանյութ)

ԱՄՆ-ում անցկացվող ֆուտբոլի աշխարհի ակումբային առաջնության խմբային փուլի վերջին խաղում Իտալիայի փոխչեմպիոն Միլանի «Ինտերը» 2:0 հաշվով պարտության մատնեց արգենտինական «Ռիվեր Փլեյթին»։

72-րդ րոպեին հանդիպման հաշիվը բացեց 19-ամյա իտալացի հարձակվող Ֆրանչեսկո Պիո Էսպոզիտոն։

Ավելացված երրորդ րոպեին աչքի ընկավ 26-ամյա իտալացի պաշտպան Ալեսանդրո Բաստոնին։

Հայաստանի հավաքականի նախկին ավագ, 36-ամյա կիսապաշտպան Հենրիխ Մխիթարյանն «Ինտերի» մեկնարկային կազմում անցկացրեց ամբողջ հանդիպումը։

E խմբում «Ինտերը» 7 միավորով գրավեց առաջին տեղը եւ դուրս եկավ 1/8 եզրափակիչ։ Այս խմբից պայքարը շարունակում է նաեւ մեքսիկական «Մոնտերեյը», որը երրորդ տուրում 4:0 հաշվով հաղթեց ճապոնական «Ուրավա Ռեդ Դայմոնդսին» եւ վաստակեց 5 միավոր։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝