Աննա Հակոբյանը վերահաստատեց, որ ինքը պարզապես «զուգընկերուհի» է. ԶԱՐՄԱՆՔ

Որ ասում էինք՝ ԱՆՆԱ ՀԱԿՈԲՅԱՆԸ Նիկոլ Փաշինյանի զուգընկերուհին է ընդամենը եւ ոչ ավել, կարծում էիք՝ զուտ լրագրողական կսմի՞թ է: Ո՛չ: Ասվածը վերահաստատել է հենց ինքը՝ Աննա Հակոբյանը: «Բոլոր նրանց, որ իմ նախորդ գրառումներին արձագանքում են այսպես. «Դուք էլ առաջին տիկի՞ն եք, բա սա վարչապետի կնոջ պահվա՞ծք է»՝ սիրելիներս, ինքնամխիթարվեք նրանով, որ ես զուգընկերուհի եմ», - գրել է նա: Եվ սա այն դեպքում, երբ հանրությունը դեռ չի մոռացել Աննա Հակոբյանի պաշտոնական այցերն ու ելույթները միջազգային հարթակներում՝ իբրեւ «Առաջին տիկին»: Հանրության համար անհասկանալի է դառնում՝ երբ է տիկին Հակոբյանը հանդես գալիս իբրեւ պետական գործիչ կամ «առաջին տիկին», իսկ երբ՝ որպես «զուգընկերուհի»՝ սեփական մեկնաբանություններով։ Հետաքրքիր է՝ քաղաքական տարատեսակ միջադեպերով հարուստ մեր օրերում սա հերթական աննախադեպ ինքնախոստովանությո՞ւնն է, թե՞ իշխանական լրջության վերջնական ապամոնտաժումն է։ Թեպետ այս հարցն էլ է ավելորդ դառնում ՀՀ առաջին նախագահ Տեր-Պետրոսյանին «մեռելի զդաչի» ու «գիտնական ոջիլ» վերջինիս որակումներից հետո:

Ի դեպ, եթե կարծում եք, որ միայն Հայաստանում են երկրի առաջին դեմքերն օգտագործում, մեղմ ասած, ոչ պարկեշտ բառապաշար, ապա, ինչպես կասեր Աննա Հակոբյանը, մխիթարվեք նրանով, որ ԱՄՆ նախագահ ԴՈՆԱԼԴ ԹՐԱՄՓՆ էլ անցել է հայհոյախոսությանը: Ըստ գերմանական Bild պարբերականի՝ Թրամփը լրագրողների հետ զրույցում, իր էքսցենտրիկ ոճով Իսրայելի եւ Իրանի միջեւ լարվածության նոր ալիքին անդրադադառնալով, բառացիորեն հայհոյել է: Իհարկե, այն նույնիսկ չենք մեջբերի: «Մենք ունենք երկու երկիր, որոնք այնքան երկար եւ այնքան դաժան են պայքարում, որ այլեւս չեն էլ գիտակցում, թե ինչ են անում», - ընդգծել է նա եւ դատապարտել թե՛ Իսրայելին, թե՛ Իրանին:

Վերադառնալով հայաստանյան իրականություն՝ նշենք, որ Երեւանի ավագանու որոշմամբ՝ ստեղծվում է 1991-2025թթ. դպրոցների, մանկապարտեզների օտարման գործընթացներն ուսումնասիրելու համար քննիչ հանձնաժողով: Ավագանու ՔՊ խմբակցության ղեկավար ԱՐՄԵՆ ԳԱԼՋՅԱՆՆ էլ ընդգծել է. «Կուզեմ, որ երեւանցիները ֆիքսեն, որ մենք ստեղծում ենք հանձնաժողով, որն ուսումնասիրելու է քաղաքից խլված գույքերը: Այդ թվում ներառված են մեր կառավարման տարիները, չնայած վստահեցնում եմ, որ մեր տարիներին այդպիսի դեպքեր չկան»: Անդրադառնալով վերոնշյալին՝ ավագանու ընդդիմադիր անդամ Սամվել Հակոբյանը հիշեցնում է՝ «Մայր Հայաստան» խմբակցության ներկայացուցիչն ու քաղաքային ակտիվիստը մանկապարտեզում բացահայտեցին ակնհայտ կոռուպցիա, ակտիվիստին կանչեցին, հայհոյեցին, տփեցին, ճամփեցին, հիմա էլ մանկապարտեզների հարցով հանձնաժողով են ստեղծում. «Մի հատ էդ սաղ խլված, գողացված, օտարված մանկապարտեզները կալկուլյատորով հաշվեք ընդհանուր ինչքա՞ն գումար է եղել, ու Տիգրան Ավինյանի ղեկավարած ԱՆԻՖ-ի 25 միլիարդ դրամը ասեք՝ դրանից մե՞ծ է, թե՞ փոքր: Այդ 25 միլիարդը թող հետ բերեն, քաղաքում ամեն շենքի տակ մանկապարտեզ կկարողանան բացել»: Ըստ Սամվել Համոբյանի` այս նախաձեռնությամբ իշխանությունն իր իսկ գործադիր թեւին ասում է՝ դու ոչ մի բան ես. «Որովհետեւ եթե պետությունում կա հակակոռուպցիոն կոմիտե, դատախազություն, ոստիկանություն, ԱԱԾ, այդ բոլորը չեն կարողացել այս յոթ տարում որեւէ բան բացահայտել, Արմեն Գալջյանը հեսա գալիս է հանձնաժողով ու սաղ հետ բերի: Ոնց ԱԺ-ում 44 -օրյա պատերազմի հանձնաժողով բացեցիք, Անդրանիկ Քոչարյանին դրեցիք գլխին, դրա համար մինչեւ այսօր ոչ դավաճան ունենք, ոչ մի բան չունենք, միամիտ պատերազմ ենք պարտվել, միամիտ 5000 հոգի մահացել է»:

 ԶԱՐՄԱՑԱԾ Է «ԻՐԱՎՈՒՆՔ»-Ը

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝