Իրանից Հայաստան են գալիս ամենատարբեր երկրների քաղաքացիներ. Ինչ իրավիճակ է Մեղրիում

Իրանից դեպի Հայաստան վերջին օրերին անախադեպ հոսք կա, նրանք գալիս են Մեղրի, ապա արագ հասնելով Երեւան լքում երկիրը։ Իրանից Հայաստան են գալիս ամենատարբեր երկրների քաղաքացիներ, նրանց թվում են ավստրալացիներ, տարբեր եվրոպական երկրներից տուրիստներ, բուն իրանցիներ քիչ են հանդիպում,-անդրադառնալով Իրան-Մեղրի անցակետում առկա իրավիճակին ասաց Մեղրի խոշորացված համայնքի ավագանու «Ապրելու երկիր» խմբակցության անդամ Արմեն Հայրապետյանից, ով նկատեց.

-Հիմնականում ավտոբուսներով են գալիս, տեղավորվում են Մեղրիի և հարակից բնակավայրերի հյուրանոցներում և սկսում տրանսպորտի փնտրտուքով զբաղվել, որ գան Երևան կամ Երևանին մոտ բնակավայրեր։
Ու արդեն հյուրանոցները չեն բավականացնում։ Արդեն լուրջ խնդիր ունենք հյուրանոցներում, քանի հյուրանոց զանգել ենք, ոչ մեկում ազատ տեղ չկա։ Քանի որ մեր հյուրանոցները քիչ են՝ երեք-չորս հատ Մեղրիում ունենք, մի երեք հյուրանոց էլ Ագարակում կա, բայց դրանք փոքր՝ մինչև 25 տեղանոց հյուրանոցներ են, ու չեն հերիքում արդեն։ Տաքսիներն էլ են շատ քիչ, նույնսիկ խնդրել ենք, որ Կապանից տրանսպորտ ուղարկեն, որ կարողանան էդ մարդկանց տեղափոխեն Երևան։ 
Իրանից Հայաստան տեղափոխվողների մեջ հայերի դեռ չի հանդիպել, հիմնականում իրանցիներ են, նաև Իրանում բիզնեսով զբաղվող այլ երկրների քաղաքացիներ։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝