Աբսուրդի թատրոն. ԸՆԿԵՐ ՓԱՆՋՈՒՆԻ

ՓԵԶԵՇՔԻԱՆԸ` ՆԵԹԱՆՅԱՀՈՒԻՆ

 (ԻՍՐԱՅԵԼԻ ՀՕՊ ՀԱՄԱԿԱՐԳԵՐԻ` ԻՐԱՆԱԿԱՆ ԹԵՎԱՎՈՐ ՀՐԹԻՌՆԵՐԻ ԴԵՄ ԱՆԶՈՐ ԳՏՆՎԵԼՈՒ ԿԱՊԱԿՑՈՒԹՅԱՄԲ)

 Не говори ՀՕՊ, пока не перепрыгнешь!

 **

 ԱԲՍՈՒՐԴԻ ԹԱՏՐՈՆ

 (ԱՆՆԱ ՀԱԿՈԲՅԱՆԻՆ « ԿՐԹՎԵԼԸ ՆՈՐԱՁԵՎ Է» ԾՐԱԳՐԻ ՇՐՋԱՆԱԿՆԵՐՈՒՄ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻՑ ԳՈՒՄԱՐ ՀԱՏԿԱՑՆԵԼՈՒ ՈՐՈՇՄԱՆ ԿԱՊԱԿՑՈՒԹՅԱՄԲ)

 Էս ինչ զուլում աշխարհ ա, մենակ Հայաստանի վարչապետը կարա իր ապօրինի կենակցին օրենքով բյուջեից փող տա։

**

ԹՈՒՄԱՆՅԱՆԱԲԱՐ

(ՆԵԹԱՆՅԱՀՈՒԻ` ՉԻ ԲԱՑԱՌՎՈՒՄ ԻՐԱՆԻ ԳԵՐԱԳՈՒՅՆ ԱՌԱՋՆՈՐԴԻ ՍՊԱՆՈՒԹՅԱՆ ՀՆԱՐԱՎՈՐՈՒԹՅՈՒՆԸ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

 Բերանն արնոտ Մարդակերը էն անբան,

 Հազար դարում հազիվ դառավ Մարդասպան:

 **

ՎԵՐՆԱԳՐԵՔ` ԸՍՏ ՃԱՇԱԿԻ

 Ըստ կրիմինալիստների` «Հայաստան» դաշինքի կողմից ներկայացված ցուցակը կարող է ծառայել որպես իմպիչմենտի նախաձեռնությանը միանալու ցուցակ, ինչպես նաեւ պարգեւավճար ստանալու ցուցակ, Նիկոլին հավատարմության երդման ցուցակ, եւ ընդհանրապես այն կախված է, թե վերեւում ինչ կգրեն:

 **

 ՆԱԽԿԻՆ ՈՍՏԻԿԱՆԱՊԵՏ

 ԱՐԱՄ ՀՈՎՀԱՆՆԻՍՅԱՆԻ ՏՐՏՈՒՆՋԸ

 («ԶԱՊ» ՄԱԿԱՆՎԱՄԲ ՔՐԵԱԿԱՆ ՀԵՂԻՆԱԿՈՒԹՅԱՆ ՀԱՄԱՐ ՍԵՎ ԻԿՐԱ ԲԵՐԵԼՈՒ ՀԱՄԱՐ ԻՐԵՆ ԱՇԽԱՏԱՆՔԻՑ ԱԶԱՏԵԼՈՒ ԿԱՊԱԿՑՈՒԹՅԱՄԲ)

Էդ Նիկոլը, որ տոննաներով Իլհամի իկրան ուտում ա, բա խի գործից չեք հանում:

**

ԺԱՄԱՆԱԿԱԿԻՑ ՌՈԲԻՆ ՀՈՒԴ ՕՂԼԻՆ

(ՆԻԿՈԼԸ` ԱՐԱՐԱՏԻ ՄԱՐԶՈՒՄ ԲՆԱԿՉԻՑ ՄԻ ՀԵԿՏԱՐ ՀՈՂ ԲՅՈՒՋԵԻՆ ՎԵՐԱԴԱՐՁՆԵԼՈՒ ԿԱՊԱԿՑՈՒԹՅԱՄԲ)

Գրողների միությունից հայտնում են, որ Նիկոլը Հարավային Կովկասում միակ Ռոբին Հուդ օղլին է: Նա ՀՀ քաղաքացիների գույքը, հողը, փողը խլում, լցնում է բյուջե, իսկ արցախցիների հողը, տունը, ամբողջ ունեցվածքը, երկիրը նրանցից խլել եւ վերադարձրել է իր կիրթ եւ սիրելի Իլհամի ջեբը:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝