Պատրաստ եմ աջակցել և սատարել Դավիթ Համբարձումյանին. Ռեֆորմիստների կուսակցության նախագահ

Ողջունելի որոշում է և ես լիովին համամիտ եմ, որ Դավիթ Համբարձումյանը, որպես ՀՀ ամենահաջողված համայնքապետ, կարող է դառնալ իմպիչմենտի շուրջ պատգամավորների համախմբման լավ տարբերակ: Դավիթը թասիբով հայ տղա է, հայրենասեր և պայքարող տեսակ:

 

Շատերը պատերի տակ խոսում են այլ բաներ, թե բա` ինքը քաղաքական գործիչ չի, փորձ չունի, հռետոր չի և այլ անհեթեթ «դարակազմիկ» վերլուծություններ, բայց մեկը հարցնի իրենց` որ դուք «պրոֆեսիոնալ» քաղաքական գործիչ եք կամ հռետոր ձեր հարևաններից քանի" մարդ ձեզ այսօր ձայն կտա, ավել բան չասեմ: Դուք Դավիթի չափ ընտրող երբ կունենաք, նոր խոսեք ախպոր պես, մի հարամեք ու ձեր ամբիցիաները ժամանակավոր գոնե մի կողմ դրեք:

 

Ինքս պատրաստ եմ աջակցել և սատարել Դավիթ Համբարձումյանին ու ցանկանում եմ, որ, ի վերջո, մեր մեջ լինի քաղաքական կուլտուրա, քաղաքական լայն մտածելակերպ, ազնիվ և քաղաքակիրթ պայքար հանուն Հայաստանի Հանրապետության», - գրել է Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԸ: