Ու էս խելքին էլ ՔՊ-ականները որոշել են հոգեւոր հարցերով զբաղվե՞լ. ԶԱՐՄԱՆՔ

ԱԺ ՔՊ խմբակցության ղեկավար ՀԱՅԿ ԿՈՆՋՈՐՅԱՆԸ «զարմանահրաշ» հայտարարությամբ է հանդես եկել` մասնավորապես ընդգծելով. «Եվ մեր պատմության ոսկեդարը անցյալում չէ։ Մեր ոսկեդարը հիմա է, այսօր։ Երբեք, պատմության մեջ ոչ մի վայրկյան, հայ մարդն այս  նվիրական հողի վրա այնքան բարեկեցիկ չի ապրել, որքան այսօր, այնքան երկար չի ապրել, որքան այսօր, այնքան առողջ չի եղել, որքան այսօր, այնքան տեղեկացված չի եղել, որքան այսօր, այնքան շատ չի ճամփորդել աշխարհով, որքան այսօր, այնքան շատ իրավունքներ չի ունեցել, որքան այսօր, այնքան ազատ չի եղել, որքան այսօր, այնքան շատ  հասանելիություն չի ունեցել աշխարհին, որքան այսօր, այնքան մեծ հնարավորություն չի ունեցել փոխել սեփական կյանքը, որքան այսօր»։ Արձագանքնելով վերոնշյալին՝ քաղաքագետ Գագիկ Համբարյանը գրում է. «Մե՞ր... Սա ձեր նման թուրքի դեմ ծնկած, թուրքի կոշիկ լիզող, «բոմժից»  իշխանավոր դարձածներիդ ու հարսատացածներիդ ոսկե դարն է... Սա Հայաստանի եւ հայության խայտառակության, նսեմացման, ստորացման դարն է... Ա՛յ ողորմելի, կարդա ադրբեջանաթուրքական մամուլն ու այդ երկրների ղեկավարների կարծիքը Հայաստանի եւ հայության մասին ու կիմանաս, թե ում ոսկե դարն է... »:

ՔՊ-ական պատգամավոր ՀԱՅԿ ՑԻՐՈՒՆՅԱՆՆ էլ  ֆեյսբուքյան իր էջում լուսանկար է հրապարակել մի հոգեւորականի հետ, ում ներկայացրել է որպես Ռումինիայի ուղղափառ եկեղեցու պատրիարք՝ Նորին Սրբություն Դանիել։ Սակայն, որքան էլ դժվար է հավատալ, պարզվում է՝ ոչ միայն անձին է շփոթել, այլեւ ամբողջ եկեղեցական պատկանելությունը։ Պատգամավորը լուսանկարվել է ոչ թե ուղղափառ պատրիարքի, այլ կաթոլիկ բարձրաստիճան հոգեւորականի հետ։ Լուսանկարում պատկերված անձը իրականում Ռումինիայի կաթոլիկ արքեպիսկոպոս Աուրել Պերքանն է՝ Բուխարեստի կաթոլիկ արքեպիսկոպոսության առաջնորդը, որը 2019 թվականին նշանակվել է այդ պաշտոնում Հռոմի պապի կողմից։ Ուրեմն՝ ՔՊ պատգամավորի «թեթեւ ձեռքով» ուղղափառը դարձավ կաթոլիկ, պատրիարքը՝ արքեպիսկոպոս։ Ու էս խելքին էլ ՔՊ-ականները որոշել են հոգեւոր հարցերով զբաղվե՞լ:

Իսկ Ազգային ժողովի 1-ին, 2-րդ եւ 5-րդ գումարումների պատգամավոր ՌՈՒԲԵՆ ՀԱԿՈԲՅԱՆԸ նորից սկսել է մեղադրանքներ հնչեցնել ՀՀԿ-ի եւ ՀՀ երրորդ նախագահ Սերժ Սարգսյանի հասցեին: Ով է նա, ուշագրավ մանրամասներ է հիշեցնում ՀՀԿ ԵԿ փոխնախագահ Աշոտ Անդերասյանը. «Ծիծաղելի է՝ սա այն Ռուբենն է, ով բաց նամակով Նիկոլին քծնողներից առաջինն էր, երբ գլուխը բարձր ասում էր՝ կեցցե՛ս Նիկոլ, դու հաղթեցիր։ Զառամյալ վիճակում, մարդիկ հիշողությունը կորցնում են, ես չեմ զլանա, կհիշեցնեմ քեզ՝ Ռուբեն, քո բաց նամակի բովանդակության եւ Սերժ Սարգսյանին դեմ լինելու մասին։ Դու ու քո նմանները մոռացել եք, ոնց էիք Նիկոլին քծնել ու միշտ նախագահի դեմ աշխատել, եթե չեմ սխալվում, տղադ էլ, միշտ Սերժ Սարգսյանի դեմ աշխատող Անդրանիկ Թեւանյանի ֆրակցիայից է։ Այս ամենն արդեն ամեն ինչի պատասխանը տալիս է։ Սերժ Սարգսյանի թևերի տակ ոչ մեկը ձմերուկ չի կարող դնել , բայց քո նմանները Սերժ Սարգսյանի խոսքերից պատրաստ են անդադար կախվել, որ իրենց քաղաքական հայրերի ցանկությունները բավարարեն։ Ամո՛թ է , ո՛չ տարիքիդ է հարիր, ո՛չ էլ բարոյական է»։ Ռեֆորմիստների կուսակցության նախագահ Վահան Բաբայանն էլ հիշել է, թե ինչպես էին ԱՊՀ միջխորհրդարանական վեհաժողովում երկրի ու ԱՊՀ օրակարգի հետ կապված հարցերը թողած՝ ամեն գիշեր Ռուբիկ Հակոբյանին խմած, թեւերը մտած բերում: Ի՞նչ ասես, ապշել կարելի է:

ԶԱՐՄԱՑԱԾ Է «ԻՐԱՎՈՒՆՔ»-Ը

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝