Նիկոլին չե՞ն բացատրել, որ ամեն մարդ ըստ սեփական սառնարանի պարունակության է սոցիալական վիճակի մասին կարծիք կազմում.Armenian info

Նիկոլն ԱԺ-ում պնդել էր, թե քաղաքացիներն այժմ 50%-ով ավելի լավ են ապրում, քան տարիներ առաջ: Նա որպես իր խոսքերի ապացույց վկայակոչել էր ինչ-որ թվեր:

Իրականությունը տրամագծորեն այլ է. Նիկոլը, ինչպես միշտ, ներկայացրել էր միայն դրական տվյալներ՝ չցանկանալով ներկայացնել իրավիճակի ամբողջական պատկերը: Իրականում երկրում, եթե տեղի է ունեցել դրական փոփոխություն, կամ եթե կան դրական թվեր, որոնք վկայում են այդ դրական փոփոխոթյան մասին, ապա այդ դրական թվերը գրանցվել են հարուստների է՛լ ավելի հարստանալու հաշվին, ինչպես նաև ՔՊ-ականների ու նրանց հետ փոխկապակցվածերի սոցիալական վիճակի բարելավումն էլ է դեր խաղացել: Ինչ վերաբերում է աշխատավարձերի աճին, ապա այդ աճը, ինչպես նշում են փորձագետները, հիմնականում բարձրացել են Երևանում, ընդ որում՝ աճն ապահովել են հիմնականում միայն բանկային ու ՏՏ ոլորտները, մինչդեռ մյուս բնագավառներում եթե անգամ եղել էլ է աշխատավարձի աճ, ապա գնաճը դրական էֆեկտը չեզոքացրել է: Իսկ ի՞նչ վիճակ է մարզերում: Այնտեղ վիճակը միայն վատացել է. այստեղ էական դեր կարող էր խաղալ գյուղատնտեսության զարգացումը, մինչդեռ փաստ է, որ այդ ոլորտը մոռ 16%-ով անկում է ապրել:

Նիկոլին այս ամենը չի հետարքրում, նրա համար էական է, որ իր ելույթներում հնչեն ճոխ թվեր ու տվյալներ՝ անկախ դրանց իրական բովանդակությունից: Նիկոլին պետք է մարդկանց մանիպուլացնել ու դրական ակնկալիքներ առաջացնել՝ համոզելու, թե իրենից առաջ ամեն ինչ վատ էր, իսկ իր ժամանակ ամեն բան՝ հրաշալի, իսկ եթե ոմանք վատ են ապրում,ապա ընդամենն ուղեղի պրոբլեմ ունեն, իսկ Կառավարությունը բոլորովին մեղք չունի:

Ասել Նիկոլը կարող է ամեն ինչ, բայց հարց է՝հավատացող կգտնվի՞. ամեն մարդ իր սառնարանի պարունակությանն է նայում:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝