Հայաստանում սպառողական գների ինդեքսը աճել է 3%-ով։

ՀՀ վիճակագրական կոմիտեի հրապարակած տվյալների համաձայն 2025թ. հունվար-մայիս ամիսներին՝ 2024թ. համադրելի ժամանակահատվածի համեմատ Հայաստանում սպառողական գների ինդեքսն աճել է 3%-ով, իսկ 2024թ.-ի դեկտեմբերի համեմատ արձանագրվել է աճ՝ 2.8%։

Մասնավորապես, սննդամթերքի և ոչ ալկոհոլային խմիչքների գները 2024թ.-ի հունվար-մայիսի համեմատ աճել են 5.0%-ով։

Ալկոհոլային խմիչքների, ծխախոտային արտադրատեսակների գները 2024թ․-ի հունվար-մայիսի համեմատ աճել են 4.8%-ով։

Հագուստի և կոշիկի գները 2024թ.-ի հունվար-մայիսի համեմատ նվազել են 2.5%-ով։

Բնակարանային ծառայությունների, ջրի, էլեկտրաէներգիայի, գազի և վառելիքի այլ տեսակների գները 2024թ.-ի հունվար-մայիսի համեմատ աճել են 0.9%-ով։

Տնային գործածության առարկաների, կենցաղային տեխնիկայի և բնակարանի ընթացիկ սպասարկման գները 2024թ.-ի հունվար-մայիսի համեմատ նվազել են 1.4%-ով։

Առողջապահության գները 2024թ.-ի հունվար-մայիսի համեմատ աճել են 3.3%-ով։

Տրանսպորտի գները 2024թ.-ի հունվար-մայիսի համեմատ աճել են 3.5%-ով։

Կապի ծառայությունների գները 2024թ.-ի հունվար-մայիսի համեմատ նվազել են 0.1%-ով։

Հանգստի և մշակութային գները 2024թ.-ի հունվար-մայիսի համեմատ աճել են 0.9%-ով։

Կրթության գները 2024թ.-ի հունվար-մայիսի համեմատ աճել են 7.8%-ով։

Ռեստորանների և հյուրանոցների գները 2024թ.-ի հունվար-մայիսի համեմատ աճել են 1.5%-ով։

Տարբեր ապրանքների և ծառայությունների գները 2024թ.-ի հունվար-մայիսի համեմատ նվազել են 0.8%-ով։

Սննդամթերքի գներ:2025թ. մայիսին 2024թ. մայիսի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 7.4%, իսկ 2025թ. ապրիլի համեմատ՝ 0.5% գնաճ: Հանրապետության դիտարկվող 9 բնակավայրերում 2025թ. մայիսին ապրիլի համեմատ սննդամթերքի և ոչ ալկոհոլային խմիչքի գներն աճել են 0.3-2.8%-ով (համեմատաբար բարձր գնաճ արձանագրվել ք. Գյումրիում), իսկ Երևան և Հրազդան քաղաքներում գրանցվել է 0.1% գնանկում:

Մակարոնեղենի գինը 2025թ. մայիսին 2024թ. մայիսի համեմատ աճել է 3.2%-ով, հացինը՝ 3.9%-ով, ալյուրինը՝ 6.9%-ով, իսկ 2025թ. ապրիլի համեմատ՝ համապատասխանաբար 2.6%, 0.7%, 1.6%-ով: 2025թ. մայիսին 2024թ. մայիսի համեմատ հանրապետությունում գրանցվել է տավարի, խոզի և գառան մսերի՝ համապատասխանաբար 0.8%, 1.1%, 2.9%, իսկ 2025թ. ապրիլի համեմատ՝ 0.1%, 1.0% և 0.5% գնաճ: Մարգարինի և կարագի գները 2025թ. մայիսին 2024թ. մայիսի համեմատ աճել են 0.3% և 13.1%-ով, իսկ 2025թ. ապրիլի համեմատ՝ 0.9% և 0.2%-ով: 2025թ. մայիսին 2024թ. մայիսի համեմատ պաղպաղակի գինն աճել է 4.0%-ով, շոկոլադինը՝ 14.1%-ով, սուրճինը՝ 14.9%-ով, կակաոյինը՝ 20.9%-ով, իսկ 2025թ. ապրիլի համեմատ՝ համապատասխանաբար 3.0%, 0.9%, 0.3% և 1.0%-ով:

Շաքարի և շաքարավազի ապրանքախմբում 2025թ. մայիսին 2024թ. մայիսի համեմատ գները նվազել են 3.1%-ով, իսկ 2025թ. ապրիլի համեմատ արձանագրվել է 0.6% գնաճ: Ձավարի գինը 2025թ. մայիսին 2024թ. մայիսի համեմատ նվազել է 4.9%-ով, պանրինը՝ 2.8%-ով, իսկ 2025թ. ապրիլի համեմատ արձանագրվել է` համապատասխանաբար 2.0% և 0.2% գնաճ: Ալկոհոլային խմիչքի և ծխախոտային արտադրատեսակների գները 2025թ. մայիսին 2024թ. մայիսի համեմատ աճել են 4.4% և 6.7%-ով, իսկ 2025թ. ապրիլի համեմատ՝ համապատասխանաբար 0.2% և 0.5%-ով: 2025թ. մայիսին 2024թ. մայիսի համեմատ ձվի գինը նվազել է 4.3%-ով, իսկ 2025թ. ապրիլի համեմատ՝ 0.4%-ով:

2025թ. մայիսին 2024թ. մայիսի համեմատ հանրապետությունում գրանցվել է հնդկացորենի՝ 7.1%, իսկ 2025թ. ապրիլի համեմատ՝ 0.7% գնանկում: «Իշխան» ձկնատեսակի գինը 2025թ. մայիսին 2024թ. մայիսի համեմատ աճել է 22.1%-ով, իսկ 2025թ. ապրիլի համեմատ արձանագրվել է 0.1% գնանկում: 2025թ. մայիսին 2024թ. մայիսի համեմատ արևածաղկի բուսական յուղի գինն աճել է 15.2%-ով, իսկ 2025թ. ապրիլի համեմատ գրանցվել է 0.1% գնանկում: Բանջարեղենի ապրանքախմբում 2025թ. մայիսին 2024թ. մայիսի համեմատ արձանագրվել է 29.0% գնաճ, իսկ 2025թ. ապրիլի համեմատ՝ 0.2% գնանկում: 2025թ. մայիսին 2024թ. մայիսի համեմատ մրգի ապրանքախմբում գներն աճել են 13.4%-ով, իսկ 2025թ. ապրիլի համեմատ՝ 3.5%-ով:

Ոչ պարենային ապրանքների գներ: 2025թ. մայիսին 2024թ. մայիսի համեմատ ոչ պարենային ապրանքների շուկայում գների մակարդակը նվազել է 0.1%-ով, իսկ 2025թ. ապրիլի համեմատ արձանագրվել է 0.1% գնաճ:

Նյութն ամբողջությամբ՝ b24.am 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝