Ոչ ոք չի մոռացել Արման Բաբաջանյանի մասին այն, ինչ հայտնի է բոլորին

Ուշագրավ գրառմամբ է հանդես եկել «Հանուն Հանրապետության» կուսակցության նախագահ ԱՐՄԱՆ ԲԱԲԱՋԱՆՅԱՆԸ: Նա մասնավորապես նշել է. «Որպես նախկին ճեմարանական՝ քչերը կարող են իմանալ այն, ինչ ինձ հայտնի է։ Քչերն ունեն պատկերացում, թե ինչ է իրականում կատարվում եկեղեցու ներսում. ով ում քեռու կամ քեռու կնոջ հետ է քնում ու արթնանում։ Ինձ հայտնի են այսօրվա բարձրաստիճան հոգեւորականներից շատերի աշխարհիկ կյանքի մանրամասներ, որոնց մեծ մասին հասարակությունը երբեք չի տեղեկանա»։ «Աղոթասեր», «գրեթե սրբակենցաղ» Բաբաջանյանի խոսքերից կարելի էր նույնիսկ հուզվել, սակայն սոցցանցում սկսեցին հեգնել նրան, թե Նիկոլ Փաշինյանի հիշատակած քեռակինն «աչքիս դու ես»: Կատակը կատակ, բայց, իսկապես, զարմանալի է, որ Բաբաջանյանն է խոսում եկեղեցու ներսում տիրող իրավիճակի մասին, երբ ամենաղմկոտ սկանդալը հոգեւոր պատերի ներսում հենց իր պատճառով է եղել: Հյուսիսային Ամերիկայի Արեւմտյան թեմը ժամանակին հաղորդագրություն էր տարածել Արման Բաբաջանյանի մասին։

«Պաշտոնապես հայտնում ենք Թեմի համայն հավատացյալ ժողովրդին, որ Գլենդելում լույս տեսնող «Ժամանակ» թերթի գլխավոր խմբագիր Արման Բաբաջանյանը (նախկին սարկավագ), ծնված լինելով Հայաստանում, զինվորական ծառայությունից խուսափել է։ Արման Բաբաջանյանն իր սարկավագության կարգը եւ հոգեւոր ծառայությունը շահագործելով՝ կեղծել է Մայր Աթոռ Սուրբ Էջմիածնի պաշտոնական կնիքը եւ Թեմի առաջնորդ՝ Գերաշնորհ Տեր Հովնան արքեպիսկոպոս Տերտերյանի ստորագրությունը։

Նկատի ունենալով իր կարգի եւ կոչումի համար ամոթալի եւ անպատվաբեր վերոհիշյալ արարքները, Հայ Եկեղեցու Արեւմտյան թեմի առաջնորդ՝ Գերաշնորհ Տեր Հովնան արքեպիսկոպոս Տերտերյանը կարգալույծ է հռչակում Արման Բաբաջանյանին՝ նրան զրկելով սարկավագի բոլոր ծառայություններից եւ իրավունքներից»,- ասվում է հաղորդագրությունում։

Ինչ վերաբերում է բաբաջանյանական դիտարկումներին Եկեղեցու իբրեւ աշխարհաքաղաքական կողմնորոշման մասին, սա էլ ավելի հատկանշական է, երբ հիշում ենք դեռեւս 2012 թ. փետրվարի 27-ին WikiLeaks-ի հրապարակած Համաշխարհային հետախուզական ֆայլերը՝ հինգ միլիոն էլեկտրոնային նամակներ, ուղարկված «համաշխարհային հետախուզական» Ստրատֆոր ընկերությունից, որի գլխամասային գրասենյակը գտնվում է Տեխասում: Էլ. նամակների ամսաթվերը 2004թ. հուլիսից մինչեւ 2011թ. դեկտեմբերի վերջը ընկած ժամանակահատվածում են եւ բացահայտում են այն անհատների ցանկը, որոնք աշխատել են այդ ընկերության համար: Ընկերությունը, որը ներկայանում է որպես հետախուզական հրատարակչություն, սակայն իրականում մատուցում է գաղտնի հետախուզական ծառայություններ, այնպիսի հսկայական կորպորացիաների ինչպիսին Bhopal's Dow քիմիական ընկերությունը, Lockheed Martin, Northrop Grumman, Raytheon, ինչպես նաեւ պետական մարմինների, ներառյալ ԱՄՆ-ի Ազգային անվտանգության դեպարտամենտը, ԱՄՆ Ծովային ուժերը եւ ԱՄՆ Պաշտպանության հետախուզությունը: Էլ.նամակները բացահայտում են Ստրատֆորի ինֆորմատորների ցանցը, նրանց վճարման համակարգը, փողի լվացման մեխանիզմները եւ օգտագործվող հոգեբանական մեթոդները: Այսպիսով՝ WikiLeaks-ը այս հրապարակմանը կցել էր մի ցուցակ, որը ներառում է այն բոլոր մարդկանց անուն ազգանունները եւ էլ. հասցեները, որոնք եղել են Ստրատֆոր ընկերության գործակալները եւ շարունակաբար գաղտին տեղեկատվություն են տրամադրել նրան: Նրանց ցանկում է նաեւ նախկին ճեմարանական Արման Բաբաջանյանը՝ մարդ, որին «Լուսավոր Հայաստան» կուսակցությունն անգամ պատգամավոր դարձրեց:

Եվ վերջապես՝ հոգեւոր ճանապարհի կեսից շեղված Բաբաջանյանը, երբ հայտարարում է, թե քչերը կարող են իմանալ այն, ինչ իրեն է հայտնի ու սկսել է եկեղեցու վարք ու բարքի մասին դատողություններ անել, այն պատգամավորն էր, որը հայտարարում էր. «Պետությունը պետք է երաշխավորի բոլորի՝ այդ թվում նաեւ ԼԳԲՏ անձանց իրավունքների պաշտպանությունը, ինչը չի իրականացվել նախկին իշխանությունների ժամանակաշրջանում»։

Ի դեպ, այս համատեքստում չենք կարող չասել՝ ականջը կանչի «Ազգային անվտանգություն» կուսակցության նախագահ Գառնիկ Իսագուլյանի, որը տարիներ առաջ հայտարարում էր, որ նույն Բաբաջանյանի անձնական կյանքի մասին ոչ պակաս հետաքրքիր մանրամասների է տիրապետում:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝