Կրակոցները կարող են շարունակվել անգամ խաղաղության պայմանագրի կնքումից հետո, պետք չի դրանից վախենալ․Գագիկ Մելքոնյան

«Քաղաքացիական պայմանագիր» խմբակցության պատգամավոր Գագիկ Մելքոնյանը վստահ է թշնամին լանյածավալ էսկալացիայի չի գնա, իսկ Խոզնավարում կրակոցները միշտ էլ կլինեն, իրենք ուզում են մեզ սադրեն այդ կրակոցներով, ուրիշ ոչինչ։Այդ կրակոցները կարող են շարունակվել անգամ խաղաղության պայմանագրի կնքումից հետո, պետք չի դրանից վախենալ։

-Այս իրավիճակում, ինչպե՞ս եք պատկերացնում թշնամու հետ բարեկամությունը, փոխադարձ առեւտուրը, ինչպես նշում է ԱԺ նախագահը։

-Բոլոր հարեւան պետություններն էլ ի վերջո միմյանց հետ պետք է նորմալ շփվեն, առեւտուր անել, ի վերջո ամեն ինչ սկսվում է առեւտրից։ Այնպես չի, որ այսօր առեւտուր չկա, իհարկե ուղիղ առեւտուր չկա, բայց Վրաստանով գալիս է թուրքական ապրանքներ սննդամթերքից սկսած մինչեւ շինանյութ ու հագուստ։ Ավելին ասեմ, տուրիստների անվան տակ մարդիկ կան, որ ուղիղ Թուրքիա են հասնում առեւտրի համար, անգամ Ստամբուլում կան հայեր, որոնք մշտական աշխատանք ունեն։ Այնպես որ թուրքերի հետ մենք խնդիր չունենք, հիմա ադրբեջանցիների հետ առեւտուրն էլ սուր ընդունվում, բայց դա նորմալ է, խաղաղության պայմանագրի կնքումից հետո առեւտուր էլ կլինի, գնալ-գալ էլ կլինի։

- Պարոն Մելքոնյան, ինչպե՞ս եք գնահատում Կառավարության հավանություն տրված  պատգամավոր Հայկ Սարգսյանի առաջարկած նախագիծը, ըստ որի՝ նախատեսվում է սահմանել պարտադիր զինվորական ծառայության անցնելու հնարավորություններ՝ 24 ամսից պակաս ժամկետով՝ վճարի դիմաց։ Ի վերջո ի՞նչ որոշում կայացվեց ՊՆ նախարարի հետ քննարկումից հետո։

-Քննարկումները դեռ շարունակվում է, դեռ վերջնական քննարկում չի եղել, առաջին-երկրորդ փուլը քննարկման անցել ենք, մինչեւ քննարկումը չավարտվի ոչինչ ասել չեմ կարող։ Մի բան կասեմ հայրենիքը բոլորին է եւ քննարկումները միտված են նրան, որ ոչ մի  խնդրահարույց, սուր, վիճելի կողմ չունենա նախագիծը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝