«Ձոն չուլանին» թե՞ «Զոհ չուլանի»` ընթերցողը կորոշի...

Մշակութային 30 Մայիս, 2025 17:55

Գինեմոլ է, թե՞ մոլլա է պաշտում թաքուն,

Այսօր ինքը հոժարակամ խոստովանեց

Ազգիս առաջ ՈՂՋ ՀԱՅՈՒԹՅԱՆ`

Անվանելով հազարադար եկեղեցիս

Իր արեւին, իբրեւ թե թուրք «չուլան» բառով...

Լավ իմացիր, ա՛յ անգրագետ, թուրքի «լեզուն»

Գողացված է... «Չուլան» բառն էլ գողացված է,

Աղավաղված, նենգափոխված, խեղաթյուրված`

Հազար ու մի բառերի պես... Դասը սերտիր,

Այ կիսաուս, որպես նվեր դիպլոմ ստացած.

Ավան, Սեւան, Նախիջեւան բառերի մեջ

Վերջին «ան»-ը ցուցանիշն է ինչ-որ վայրի...

Իսկ «ՉՈՒԼ-ան»-ում, ուր անցել է` հավանաբար,

Ոչ երջանիկ մանկությունդ, պահել են միշտ

Անպետք իրեր, ՉՈՒԼ ու փալաս... Օրինակ, քե՛զ...

Այնտեղից են խնդիրներդ, տո՛ այ թշվառ...

Ունեիր-չունեիր մի հատ սպիտակ տաբատ ունեիր...

Սակայն թուրքին ՔՈ՛ տաբատը չտվեցիր`

Նվիրեցիր ՄԵ՛Ր Արցախը, այ խեղճ ու կրակ,

Այ երիտթո՛ւրք, հային դարձյալ սարքիր տնանկ...

Ա՜խ, անեծքս տեղ չի հասնում այդ թրքամոլ

ՀԿ-ների՛ն, դիվահարված ցավագարի՛ն,

Ալիեւի-էրդողանի պոչից կապված

ԹՐԻՔԱԿԱԼԻ՛Ն` մոլեգնածուփ ԹՐՔԱՍԵՐԻՆ...

Քպ-ական սագ ու ղազեր ղրղրոցով,

Բզկտեցին-բաժանեցին ՀԱՅԱՍՏԱՆՍ...

Ոչինչ... Ոչինչ... «Սա էլ կանցնի», - Սողոմոնի

Ձայնն է լսվում հավերժության հեռուներից...

Օդն է կտրում կիսափտած ատամների կռճտոցը

Ու գեշ-տգեղ, зато լաչառ, կնանիքի ճղճղոցը...

Տիրոջ Կամոք` Լույսի Շողով, Սուրբ Գրիգորին

Մատնանշվեց հենց ա՛յս վայրը... Հենց ա՛յդ պահից

Միահյուսվեց աշխարհիկն ու հոգեւորը...

Թագավորն ու գուբից ելած իր զինվորը`

Նրա նախկին հավատարիմ զինակիցը,

Երկրի վրա կառուցեցին Եկեղեցի...

Հենց Մեծ Հայքի արքայանիստ Վաղարշապատ

Քաղաքի մեջ ՀՐԱՇՔ ՏԵՍԻԼՔԸ` Տաճարն Աստծո,

Կերտվեց-նյութվեց... «Էջմիածին», անշուշտ, կոչվեց,

Քանզի Աստված բարեհաճեց երկնից «իջնել»

Ու երեւալ Իր ընտրայալին, ով տասներեք

Ձիգ տարիներ փոսում փակված, չսասանվեց

Ու չշեղվեց իր աղոթքից Աստծուն ուղված...

Եւ մինչ օրս ո՜ղջ աշխարհի ՄԱՐԴԿՈՒԹՅՈՒՆԸ

Վայելում է Աստծո Նվեր Մայր Տաճարը...

ՄԱՐԴԿՈՒԹՅՈ՛ՒՆԸ... Բայց ո՛չ տարրեր` սատանային

Մեկ արծաթով հոգին ծախած... Դրանց համար

Նույնիսկ պալատն արքայանիստ միշտ կկոչվի

«Չուլան» բառով... Էհ, ինչ ասես` դա՛ են տեսել...

Մանկությունից, հավանաբար, ծեծից հետո,

Պահել են միշտ կողպեքի տակ ու «գրանցել»

«Չուլան»-ի մեջ` լի սարդերով ու մկներով...

Այժմ նրանք` մկների պես թալանում են

Բյուջեն ՀԱՅՈՑ... Նմանությամբ սարդոստայնի

Խզբզում են պատերը տան... Իրար ուտում

Банка-յի մեջ закат արած սարդերի պես

Ու մորմերի... Մարդկայնորեն` մեղքս են գալիս...

Կարելի է (բախտը գիտի) ՄՈՒԹ ՉՈՒԼԱՆԻՑ

ԴՈՒՐՍ ԳԱԼ աշխարհ... Բայց ՉՈՒԼԱՆԸ իր սեփական

Խավարապաշտ տարրի մեջից ԴՈՒՐՍ ՀԱՆԵԼԸ

ԱՆՀՆԱ՛Ր է: Հավատացեք, ԱԶԳՍ վկա՛:

Ալլա Հակոբյան

29.05.2025 թ.

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

«Ձոն չուլանին» թե՞ «Զոհ չուլանի»` ընթերցողը կորոշի...

Փոխարժեք