Թրամփը դժգոհ է Պուտինից` Ուկրաինային հասցված վերջին հարվածների հետ կապված (Տեսանյութ)

Թրամփը դժգոհ է Պուտինից` Ուկրաինային հասցված վերջին հարվածների հետ կապված:

«Ինձ դուր չի գալիս այն, ինչ անում է Պուտինը։ Նա մարդկանց է սպանում, չգիտեմ՝ ինչ է պատահել նրա հետ։ Ես նրան վաղուց եմ ճանաչում։ Ես միշտ նրա հետ լավ էի շփվում։ Բայց նա հրթիռներ է ուղարկում և մարդկանց է սպանում։ Ինձ սա դուր չի գալիս։ Մենք բանակցությունների մեջ ենք, և նա հրթիռներ է ուղարկում Կիև և այլ քաղաքներ։ Ես զարմացած եմ, տեսնենք՝ ինչ կանենք։ Ինձ դուր չեն գալիս նրա գործողությունները։ Նրա հետ ինչ-որ բան պատահեց»։

Հարցին, թե` «Ռուս զինվորական ղեկավարը վերջերս ասել է, որ Պուտինը երկնքում էր, երբ ուկրաինական անօդաչու թռչող սարքերը հարձակվեցին», Թրամփն արձագանքել է. «Ես այս մասին ոչինչ չեմ լսել: Գուցե դա էր պատճառը։ Չգիտեմ»։

ԱՄՆ նախագահը, պարզվում է, չափազանց դժգոհ է նաեւ Զելենսկուց.

«Զելենսկին իր երկրին ոչ մի օգուտ չի տալիս՝ այդպես խոսելով։ Նրա ասած յուրաքանչյուր բառ խնդիրներ է ստեղծում։ Ինձ սա դուր չի գալիս և կցանկանայի, որ դա դադարեր։ Սա պատերազմ է, որը երբեք չէր սկսվի, եթե ես նախագահ լինեի։ Սա Զելենսկու, Պուտինի և Բայդենի պատերազմն է, ոչ թե Թրամփի: Ես պարզապես օգնում եմ մարել այն մեծ և տգեղ հրդեհները, որոնք բռնկվել են ակնհայտ անգործունակության և ատելության պատճառով»։

Ամեն դեպքում, կա նաեւ այն հարցը, թե ինչո՞ւ Թրամփը նույնքան դժգոհ չէ, երբ Իսրայելը հողին է հավասարեցնում Գազան: Կամ, երբ ամերիկյան ավիացիան հարվածում է Եմենի խաղաղ քաղաքներին: